ଗୋଟିଏ ପଦବୀରେ ୯ ବର୍ଷ : ଅଖଣ୍ଡ କ୍ଷମତା ପାଇଥିବା ଆଇଏଏସ୍ ଅଧିକାରୀଙ୍କ ମଧ୍ୟରେ ଅଛନ୍ତି କି ଜି ମାଥିଭାଥନନ୍ ?
କନକ ବ୍ୟୁରୋ : ସରକାରଙ୍କ ବାବୁ ପ୍ରୀତି । ଗୋଟିଏ ପଦବିରେ ବର୍ଷ ବର୍ଷ ଧରି ରାଜ କରୁଛନ୍ତି ସରକାରୀ ବାବୁ । ନଗର ଉନ୍ନୟନ ବିଭାଗର ସଚିବ ଜି ମାଥିଭାଥନନ୍ । ଗତ ୯ ବର୍ଷ ହେବ ଏହି ପଦବୀରୁ ଆଉ ହଲୁ ନାହାଁନ୍ତି । ଗୋଟିଏ ବିଭାଗରେ ଜଣେ ସଚିବ ଏତେ ବର୍ଷ ଧରି କାହିଁକି ରହିଛନ୍ତି, ସେ ପ୍ରଶ୍ନର ଉଚିତ ଉତ୍ତର ଦେବ କିଏ । ନଗର ଉନ୍ନୟନ ବିଭାଗର ସଚିବ ପଦବୀରେ ଜଣେ ଅଧିକାରୀ, ଏତେ ବର୍ଷ ଧରି ରହିବାର ଅର୍ଥ, ସରକାରଙ୍କ ପାଇଁ ଅତି ପ୍ରିୟ ହୋଇଥିବେ, ଖାସ୍ ହୋଇଥିବେ ।
Kanak News is now on WhatsApp
Join and get latest news updates delivered to you via WhatsApp
ଏଭଳି ସ୍ଥାନରେ ପ୍ରଶ୍ନ ଉଠୁଛି ଏହି ଅଧିକାରୀ କଣ ଏତେ ପରିବାର ଯେ, ତାଙ୍କୁ ଗୋଟିଏ ଜାଗାରେ ଏତେ ବର୍ଷ ଧରି ରଖାଯାଇଛି । ଜଣେ ଅଫିସର ଗୋଟିଏ ପଦବିରେ ଏତେ ବର୍ଷ ଧରି କାମ କରିବା ପାଇଁ ମାପକାଠି କ’ଣ ? ଅଖଣ୍ଡ କ୍ଷମତା ପାଇଥିବା କିଛି ଆଇଏଏସ୍ ଅଧିକାରୀଙ୍କ ମଧ୍ୟରେ ମାଥିଭାଥନନ୍ ନିଶ୍ଚିୟ ଥିବେ । ସେଥିପାଇଁ ତ ୯ ବର୍ଷ ହେବ ନଗର ଉନ୍ନୟନ ସଚିବ ରହି ଆସିଛନ୍ତି ଜି ମାଥିଭାଥନନ୍ । କେବଳ ନଗର ଉନ୍ନୟନ ସଚିବ ନୁହଁନ୍ତି ସଂସଦୀୟ ବ୍ୟାପାର ବିଭାଗ ସଚିବ ଭାବେ ୨୦୧୦ରୁ ଦାୟିତ୍ୱ ତୁଲାଇ ଆସୁଛନ୍ତି ମାଥିଭାଥନନ୍ ।
ସରକାରଙ୍କ ବାବୁ ପ୍ରୀତି
– ୫୭ ବର୍ଷୀୟ ଆଇଏଏସ୍ ଅଧିକାରୀ ଜି. ମାଥିଭାଥନନ୍
– ୧୯୯୪ ବ୍ୟାଚର ଓଡ଼ିଶା କ୍ୟାଡର୍ର ଆଇଏଏସ୍ ଅଧିକାରୀ
– ପୂର୍ବରୁ ଗଂଜାମ ଜିଲ୍ଲାପାଳ ଭାବେ ତୁଲାଇଛନ୍ତି ଦାୟିତ୍ୱ
– କିଛି ମାସ ମୁଖ୍ୟମନ୍ତ୍ରୀଙ୍କ ସଚିବ ମଧ୍ୟ ରହିଛନ୍ତି
– ୨୦୧୪, ଅଗଷ୍ଟ ମାସରୁ ନଗର ଉନ୍ନୟନ ବିଭାଗ ସଚିବ ଦାୟିତ୍ୱ ତୁଲାଉଛନ୍ତି
– ୯ ବର୍ଷ ଧରି ଗୋଟିଏ ପଦବିରେ ରହିଛନ୍ତି ମାଥିଭାଥନନ୍
– ୯ ବର୍ଷ ଭିତରେ ଚାରି ଜଣ କ୍ୟାବିନେଟ୍ ମନ୍ତ୍ରୀ ବଦଳି ସାରିଲେଣି
– ମାତ୍ର ବାବୁ ସେହି ପଦବିରେ ରହିଛନ୍ତି
– ସହରାଂଚଳ ଉନ୍ନତିରେ ବାବୁଙ୍କ କାର୍ଯ୍ୟ ନେଇ ପ୍ରଶ୍ନ
– ଏତେ ବର୍ଷରେ ନଗର ଉନ୍ନୟନ କ୍ଷେତ୍ରରେ ଆଖି ଦୃଷ୍ଟିଆ କାମ ହୋଇ ନଥିବା ଅଭିଯୋଗ
ରାଜ୍ୟ ସରକାରଙ୍କ ଅଧିନରେ, ଏମିତି କେତେ ଜଣ ଆଇଏଏସ ଅଧିକାରୀ ଅଛନ୍ତି, ଯେଉଁମାନେ ବର୍ଷ ବର୍ଷ ଧରି ଗୋଟିଏ ସ୍ଥାନରେ ଅଛନ୍ତି । ପ୍ରମୁଖ ବିଭାଗଗୁଡିକର ସଚିବ ପଦରେ ଅଛନ୍ତି । କିନ୍ତୁ ବର୍ଷ ବର୍ଷ ରହିବା ପରେ ବି ସେମାନଙ୍କର ବଦଳି ହେଉନାହିଁ । ଜି. ମାଥିଭାଥନନ୍- ସଂସଦୀୟ ବ୍ୟାପାର ବିଭାଗ ସଚିବ- ୨୦୧୦ରୁ ଆଜିଯାଏ (୧୩ ବର୍ଷ), ଗୃହ ଓ ନଗର ଉନ୍ନୟନ ବିଭାଗ ସଚିବ- ୨୦୧୪ରୁ ଆଜିଯାଏ (୯ ବର୍ଷ) ।