ପ୍ରଚାର ମୈଦାନରେ ଗର୍ଭବତୀ ପ୍ରାଥୀ । ପ୍ରାର୍ଥୀଙ୍କ ଦୃଢୋକ୍ତି ଗର୍ଭସ୍ଥ ଶିଶୁ ହିଁ କରିବ ବିଜୟୀ
କନକ ବ୍ୟୁରୋ : ବିହାର ନିର୍ବାଚନକୁ ନେଇ ଅନେକ ରୋଚକ କଥା ଦେଖିବାକୁ ମିଳିଛି । ଏଲଜେପି ବିଜେପି ସହିତ ଥିବା କଥା କହୁଥିବା ବେଳେ ବିଜେପି କିନ୍ତୁ ଏଲଜେପିକୁ ଭୋଟ କଟର ପାର୍ଟି କହିବାରେ ଲାଗିଛି । ସେପଟେ ବିହାରର ବହୁ କଥିତ ଶବ୍ଦ କା ବା କୁ ନେଇ ବି ରାଜନୀତି ସରଗରମ ରହିଛି । ଏଭଳି ସ୍ଥଳେ ଆମେ ଏକ ଭିନ୍ନ ରୋଚକ କଥା କହିବାକୁ ଯାଉଛୁ । ଯାହାକୁ ପଢିଲେ ଆପଣ ବି ଚକିତ ହୋଇଯିବେ । ଆମେ ସାଧାରଣ ଭାବେ ଜାଣିଛୁ ଯେ ଜଣେ ମହିଳା ସେ କେଉଁ ପଦ ପଦବୀରେ ଥା’ନ୍ତୁ ନା କାହିଁକି ଥରେ ଗର୍ଭବତୀ ହେଲେ ପ୍ରାୟ ସମୟ ସେ ଘରେ ରହନ୍ତି ଓ ବିଶ୍ରାମ କରିବାକୁ ଡାକ୍ତର ବି ପରାମର୍ଶ ଦେଇଥାନ୍ତି । ହେଲେ ଆମେ ଆପଣଙ୍କୁ ଯାହା କଥା କହୁଛୁ ସେ ହେଉଛନ୍ତି ସୁଶୁମଲତା କୁଶୱାହା । ଯେ କି ୯ ମାସର ଗର୍ଭବତୀ ଥାଇ ବି ବିହାର ନିର୍ବାଚନରେ ଜେଡିୟୁ ତରଫରୁ ବିଧାୟକ ପ୍ରାର୍ଥୀ ହୋଇଛନ୍ତି।
Kanak News is now on WhatsApp
Join and get latest news updates delivered to you via WhatsApp
ବିହାର ବିଧାନସଭା ନିର୍ବାଚନ ୨୦୨୦ ରେ ଜେଡିୟୁ ତରଫରୁ ପ୍ରାର୍ଥୀ ହୋଇଛନ୍ତି ଗର୍ଭବତୀ ମହିଳା ପ୍ରତ୍ୟାସୀ ସୁଶୁମଲତା କୁଶୱାହା । ଯାହାକୁ ଦେଖି ଲୋକମାନେ ଚକିତ ହେଉଛନ୍ତି । କେତେବେଳେ ବି ସେ ମା’ ହୋଇପାରିନ୍ତି । ଏଭଳି ସ୍ଥିତିରେ ବି ସେ ନିର୍ବାଚନ ପ୍ରଚାରରେ ନିଜକୁ ସକ୍ରିୟ ରଖିଛନ୍ତି । ସେ କହିଛନ୍ତି କି ଗର୍ଭରେ ଥିବା ଶିଶୁ ତାଙ୍କୁ ନିର୍ବାଚନରେ ବିଜୟୀ କରାଇବ । ମହାଭରତର ଅଭିମନ୍ୟୁ ଭଳି ତାଙ୍କ ଗର୍ଭରେ ଥିବା ଶିଶୁ ତାଙ୍କ କମଜୋରୀର କାରଣ ନୁହେଁ ସେ ତ ବିହାର ନିର୍ବାଚନୀ ମହାଭାରତରେ ତାଙ୍କୁ ସହଯୋଗ କରୁଛି ।
ସୁଶମଲତା ବିହାରର ଭୋଜପୁର ଜିଲ୍ଲାର ଜଗଦୀସପୁର ବିଧାନସଭା କ୍ଷେତ୍ରରୁ ଜେଡିୟୁରୁ ପ୍ରାର୍ଥୀ ହୋଇଛନ୍ତି । ଯେଉଁଠାରେ ପ୍ରଥମ ପର୍ଯ୍ୟାୟ ତଥା ୨୮ ଅକ୍ଟୋବରରେ ମତଦାନ ହେବ । ସେଥିପାଇଁ ଏବେ ସୁଶମଲତା ଚୁନାବ ପ୍ରଚାରକୁ ଜୋରଦାର ଚଳାଇଛନ୍ତି । ଘର ଘର ବୋଲି ଭୋଟ ଭିକ୍ଷା କରିବା ସହ ସଭା ସମିତିରେ ସେ ଯେମିତି ସକ୍ରିୟ ରହୁଛନ୍ତି ତାଙ୍କ ଗର୍ଭରେ ଯେ ୯ ମାସର ଶିଶୁ ରହିଛି ତାହା ଜାଣିବା କଷ୍ଟକର ।
ସୁଶମଲତା ଯେଉଁ ନିର୍ବାଚନ ମଣ୍ଡଳୀରୁ ପ୍ରାର୍ଥୀ ହୋଇଛନ୍ତି ସେ ସେଠିକାର ଏକ ପଂଚାୟତରେ ମୁଖିଆ ଅର୍ଥାତ ସରପଂଚ ଅଛନ୍ତି । ସେଠିକାର ଲୋକମାନେ କହିବା ମୁତାବକ ସୁଶମଲତା ଜଣେ କର୍ମଠ ଓ ସଚ୍ଚୋଟ ମହିଳା । ଯେତେବେଳେ ସେ ନିର୍ବାଚନରେ ପ୍ରାର୍ଥୀ ହେବାକୁ କୁହାଗଲା ସେତେବେଳକୁ ସେ ୯ ମାସର ଗର୍ଭବତୀ ଥିଲେ । ଏନେଇ ସେ କହିଥିଲେ କି ସେ ଯେଉଁ କ୍ଷେତ୍ରରୁ ନିର୍ବାଚନ ଲଢିବାକୁ ଯାଉଛନ୍ତି ସେହି ମାଟି ଏକ ଆନ୍ଦୋଳନକାରୀ ମାଟି । ଯେଉଁଠୁ ବାବୁ ବୀର କୁମ୍ବର ସିଂ ଓ ଲକ୍ଷ୍ମୀବାଇ ତାଙ୍କର ଆଦର୍ଶ ବୋଲି ସେ କହିଥିଲେ । ଏହି ଦୁଇଜଣ ବୀର ପ୍ରତିକୂଳ ପରିସ୍ଥିତିରେ କେବେ ହାର ମାନି ନଥିଲେ ତେଣୂୁ ମୁଁ କାହିଁକି ହାର ମାନିବି ।
ଅନ୍ୟପଟେ ସୁଶମଲତା କୁଶୱାହା ଜଗଦୀସପୁର ନିର୍ବାଚନ କ୍ଷେତ୍ରରୁ ବିଜୟୀ ହେବା ଏତେ ସହଜ କଥା ନୁହେଁ । ଏହି ବିଧାନସଭା କ୍ଷେତ୍ରରେ ତାଙ୍କ ବିରୋଧରେ ପ୍ରାର୍ଥୀ ହୋଇଛନ୍ତି ଆରଜେଡିର ବର୍ତମାନ ବିଧାୟକ ଥିବା ରାମ ବିଷୁନୁ ସିଂ ଲୋହିୟା । ଏହି ନିର୍ବାଚନ ମଣ୍ଡଳୀଟି କ୍ରମାଗତ ଭାବେ ଆରଜେଡି ହାତରେ ରହିଛି ।