ଦାଗ ସଫା କଲା ସମର୍ଥନ ? ଅଜିତ ପାୱାରଙ୍କୁ ଆଶ୍ୱସ୍ତି । ଜଳସେଚନ ଦୁର୍ନୀତି ମାମଲାରେ ମିଳିଲା କ୍ଲିନଚିଟ୍
କନକ ବ୍ୟୁରୋ: ଘଣ୍ଟାର ସମୟ ବଦଳିବା ପରେ ଘଡିକେ ବଦଳୁଛି ମହାରାଷ୍ଟ୍ର ରାଜନୀତିର ଚିତ୍ର । କ୍ଷମତା ଓ ଚୌକି ପାଇଁ କେତେବେଳେ କଣ ହେଉଛି ତାହା କିଛି ଜଣାପଡୁନି । ପାୱାର ପାଇଁ କିଏ ଘର ଛାଡି ପରକୁ ସମର୍ଥନ ଦେଉଛି ତ ଆଉ କିଏ ମେଣ୍ଟ ଭାଙ୍ଗି ମାୟା ରଚୁଛି । ତେବେ ଗତ କିଛି ଦିନ ହେବ ମାହାରାଷ୍ଟ୍ରରେ ମହାଭାରତ ଚାଲିଥିବା ବେଳେ ଆଜି ପୁଣି ଆସିଛି ନୂଆ ଟୁଇଷ୍ଟ ।
Kanak News is now on WhatsApp
Join and get latest news updates delivered to you via WhatsApp
ପାୱାର ପାଇଁ ରାତିଅଧିଆ ପଦ୍ମ ପଛରେ ଛିଡା ହୋଇଥିବା ଛୋଟ ପାୱାର ଅର୍ଥାତ ଏନସିପି ନେତା ତଥା ମହାରାଷ୍ଟ୍ର ଉପ ମୁଖ୍ୟମନ୍ତ୍ରୀ ଅଜିତ ପାୱାରଙ୍କୁ ମିଳିଛି ବଡ ଆଶ୍ୱସ୍ତି । ଜଳସେଚନ ଦୁର୍ନୀତି ମାମଲାରେ ଅଜିତ ପାୱାରଙ୍କୁ ମିଳିଛି ଆଶ୍ୱସ୍ତି । ଜଳସେଚନ ଦୁର୍ନୀତିରେ ତାଙ୍କ ବିରୋଧରେ ଥିବା ୯ଟି ବଡ ବଡ ମାମଲାକୁ ବନ୍ଦ କରିଦିଆଯାଇଛି । ମହାରାଷ୍ଟ୍ର ଆଣ୍ଟି କରପସନ ବ୍ୟୁରୋ ପକ୍ଷରୁ ତାଙ୍କୁ କ୍ଲିନଚିଟ୍ ଦିଆ ଯାଇଥିବା କୁହାଯାଇଛି । ତେବେ ବର୍ତ୍ତମାନ ଉକ୍ତ ଦୁର୍ନୀତିରେ ୩ ହଜାର ପ୍ରୋଜେକ୍ଟ ତଦନ୍ତ ପରିସରଭୁକ୍ତ ଥିବା ବେଳେ ୯ଟି ମାମଲାରେ ଅଜିତଙ୍କ ବିରୋଧରେ କୌଣସି ପ୍ରମାଣ ନାହିଁ । ତେଣୁ ଏସବୁ ମାମଲା ବନ୍ଦ କରିବା ସହ ତାଙ୍କୁ କ୍ଲିନଚିଟ୍ ଦିଆଯାଇଛି ।
#WATCH Maharashtra Anti Corruption Bureau (ACB) DG, Parambir Singh: In none of the 9 inquiries that have been closed today, name of Ajit Pawar is figured. No irregularities were found in these 9 inquiries. These are routine inquiries. pic.twitter.com/kme8VOOAsN
— ANI (@ANI) November 25, 2019
ସେପଟେ ଅଜିତ ପାୱାରଙ୍କୁ କ୍ଲିନଚିଟ୍ ମିଳିବା ପରେ ମୋଦି ସରକାରଙ୍କୁ ସମାଲୋଚନା କରିବାରେ କୌଣସି ମଉକା ହାତଛଡା କରିନି କଂଗ୍ରେସ । ଅଜିତ ବିଜେପିକୁ ସମର୍ଥନ ଦେବାର ୨ ଦିନ ପରେ ତାଙ୍କ ଦେହରେ ଲାଗିଥିବା ସାତ ବର୍ଷ ଦୁର୍ନୀତିର ଦାଗକୁ ସଫା କରିଛି ମୋଦି ସରକାର । ୨୦୧୩ରୁ ଅଜିତଙ୍କ ବିରୋଧରେ ଥିବା ଜଳସେଚନ ଦୁର୍ନୀତିକୁ ଦୁଇ ଦିନରେ ଜଳ ମାରି ସଫା କରିଛନ୍ତି ମୋଦି ସରକାର ବୋଲି କଂଗ୍ରେସ କଡା ଭାଷାରେ ସମାଲୋଚନା କରିଛି ।
ତେବେ ମୋଦି ସରକାର ଆଣ୍ଟି କରପସନ ବ୍ୟୁରୋକୁ ନିର୍ଦ୍ଦେଶ ଦେଇ ଅଜିତଙ୍କ ଦେହରୁ କାଦୁଅ ଛଡାଇଛନ୍ତି । ତେବେ ମୋଦି ହେ ତୋ ମୁମକିନ ହେ କହି ବିଜେପିକୁ କଟାକ୍ଷ କରିବା ସହ ଏହା ଏଭଳି କାମ ଗଣତନ୍ତ୍ର ପ୍ରତି ବିପଦ ବୋଲି ବିରୋଧୀ ସମାଲୋଚନା କରିଛନ୍ତି ।