ଆର୍ଶୀବାଦ ଯୋଜନାରେ ସାମିଲ ହେବା ପାଇଁ ୮ ହଜାର ୩୦୦ ପିଲା କରିଛନ୍ତି ଆବେଦନ । ଉଠିଲା ପ୍ରଶ୍ନ, ଯଦି ବାପାମାଆଙ୍କୁ ହରାଇଛନ୍ତି ଏତେ ପିଲା, କରୋନାରେ ମୋଟ ମୃତ୍ୟୁ ସଂଖ୍ୟା କେତେ ?
କନକ ବ୍ୟୁରୋ: ରାଜ୍ୟରେ ଗତ ବର୍ଷକ ଭିତରେ ୮ ହଜାର ୩୦୯ ଜଣ ଶିଶୁ ଅନାଥ ହୋଇଛନ୍ତି । କିଏ ଉଭୟ ବାପା ମାଆଙ୍କୁ ହରାଇଛନ୍ତି ତ ଆଉ କିଏ କେବଳ ବାପା କିମ୍ବା ମାଆଙ୍କୁ ହରାଇଛନ୍ତି । ରାଜ୍ୟ ସହରକାରଙ୍କ ଆଶିର୍ବାଦ ଯୋଜନାରେ ସାମିଲ ହେବାକୁ ହେଉଥିବା ଆବେଦନରୁ ଏଭଳି ଚକିତ କଲା ଭଳି ତଥ୍ୟ ସାମ୍ନାକୁ ଆସିଛି । ସୂଚନା ଅନୁସାରେ ୮ ହଜାର ୩୦୯ ଜଣଙ୍କ ମଧ୍ୟରୁ ୧୪୬୯ ମୃତ୍ୟୁ କରୋନା କାରଣରୁ ହୋଇଥିବା ବେଳେ ୬ ହଜାର ୮୪୦ ଜଣଙ୍କ ମୃତ୍ୟୁ ଅଣକୋଭିଡ ଜନିତ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
୨୭ଟି ଜିଲ୍ଲାରୁ ପୂରା ତଥ୍ୟ ସଂଗ୍ରହ କଲା ବେଳକୁ ଜଣାପଡିଛି, ଗତ ବର୍ଷକ ଭିତରେ ଅନେକ ଶିଶୁ ନିଜର ଅଭିଭାବକଙ୍କୁ ହରାଇଛନ୍ତି । ବଲାଙ୍ଗିରରେ ଆଜି ସୁଦ୍ଧା ୯୨ ଜଣଙ୍କ କରୋନାରେ ମୃତ୍ୟୁ ହୋଇଥିବା ବେଳେ ଆଶିର୍ବାଦ ଯୋଜନାରେ ସାମିଲ ହେବାକୁ ଆବେଦନ କରିଛନ୍ତି ୨ହଜାର ୭୩୩ ଶିଶୁ । ଏହା କେବଳେ ଗୋଟିଏ ଜିଲ୍ଲାର ସଂଖ୍ୟା ହୋଇପାରେ । ସାମଗ୍ରିକ ଭାବେ ଦେଖିବାକୁ ଗଲେ, ସାରା ଓଡିଶାର ଚିତ୍ର, ସରକାରୀ ସ୍ତରରେ ଦେଖା ଯାଉଥିବା ସଂଖ୍ୟା ଠାରୁ ଢେର ଅଧିକ ।
କିଛି ଦିନ ପୂର୍ବରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନାଥ ହୋଇଥିବା ଶିଶୁଙ୍କ ପାଇଁ ଆଶିର୍ବାଦ ଯୋଜନା ଘୋଷଣା କରିଥିଲେ । ଜଣେ ବି ଅସହାୟ ଶିଶୁ ଯେପରି ବାଦ ନପଡନ୍ତି , ସେଥିପାଇଁ ଏହି ଯୋଜନା କାର୍ଯ୍ୟକାରୀ କରାଯାଇଥିଲା । ଉଭୟ ପିତା ମାତା କିମ୍ବା ସିଙ୍ଗଲ ପେରେଂଟକୁ ହରାଇଥିବା ଶିଶୁଙ୍କୁ ମାସିକ ୨୫ଶହ ଟଙ୍କା , ବାପା କିମ୍ବା ମାଆଙ୍କ ମଧ୍ୟରୁ ଜଣକୁ ହରାଇଥିଲେ ମାସିକ ୧୫ ଶହ ଟଙ୍କା ଦେବାକୁ ଘୋଷଣା କରାଯାଇଥିଲା । ଏପ୍ରିଲ ୨୦୨୦ ପରଠାରୁ ଅନାଥ ଶିଶୁଙ୍କ ପାଇଁ ଏହି ଯୋଜନା କାର୍ଯ୍ୟକାରୀ ହୋଇଛି ।