କନକ ବ୍ୟୁରୋ : ଏବେ ପୁଣିଥରେ କରୋନା ତା’ର କରାଳ ରୂପ ଦେଖାଇଛି । ଗତ ୨୪ ଘଂଟା ମଧ୍ୟରେ ଦେଶରେ ୮୧, ୪୬୬ ସଂକ୍ରମିତ ଚିହ୍ନଟ ହୋଇଛନ୍ତି । ଏହାସହ ୪୬୯ ଜଣ ସଂକ୍ରମିତଙ୍କର ମୃତ୍ୟୁ ହୋଇଛି । ଅନ୍ୟପଟେ ଏହି ସଂଖ୍ୟା ଗତକାଲି ପ୍ରକାଶିତ ସଂକ୍ରମିତଙ୍କ ସଂଖ୍ୟାର ୧୩ ପ୍ରତିଶଷତ ବୃଦ୍ଧି ହୋଇଥିବା କୁହାଯାଇଛି । ଏଭଳି ଭାବେ ସଂକ୍ରମିତଙ୍କ ସଂଖ୍ୟା ବୃଦ୍ଧିକୁ ନେଇ ଚିନ୍ତାପ୍ରକଟ କରିଛନ୍ତି ସରକାର । କରୋନା ଉପରେ ନିୟନ୍ତ୍ରଣ ଆଣିବାକୁ ସରକାର ଟିକାକରଣ ପ୍ରକ୍ରିୟାକୁ ତ୍ୱରାନ୍ୱିତ କରିଛନ୍ତି । ଗତ ୨୪ ଘଂଟା ମଧ୍ୟରେ ଦେଶରେ ୩୬,୭୧,୨୪୨ ଜଣ ଲୋକଙ୍କୁ ଟିକା ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗତ ୨୪ ଘଂଟାରେ ଚିହ୍ନଟ ହୋଇଥିବା ସଂକ୍ରମିତଙ୍କୁ ମିଶାଇ ଦେଶରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୧,୨୩,୦୩,୧୩୧ ରେ ପହଂଚିଛି । ଏହାସହ ସକ୍ରିୟ ସଂକ୍ରମିତଙ୍କ ସଂଖ୍ୟା ୬,୧୪,୬୯୬କୁ ବୃଦ୍ଧି ପାଇଛି । ଅନ୍ୟପଟେ କରୋନାରେ ସଂକ୍ରମିତ ହୋଇ ସୁସ୍ଥ ହୋଇଥିବା ଲୋକଙ୍କ ସଂଖ୍ୟା ୧୧,୫୨୫,୦୩୯ କୁ ବୃଦ୍ଧି ପାଇଛି । ଏଭଳି ସ୍ଥଳେ କରୋନା ସଂକ୍ରମଣରେ ମୋଟ ମୃତକଙ୍କ ସଂଖ୍ୟା ୧୬୩,୩୯୬ କୁ ବୃଦ୍ଧି ପାଇଛି ।