ଦିଲ୍ଲୀ ସରୋଜ ହସ୍ପିଟାଲରେ କରୋନାର କରାଳ ରୂପ । ୮୦ କର୍ମଚାରୀ କରୋନା ପଜିଟିଭ୍ । ଜଣେ ଡାକ୍ତର ମୃତ
କନକ ବ୍ୟୁରୋ : ଦେଶର ରାଜଧାନୀ ଦିଲ୍ଲୀରେ ଜାରି ରହିଛି କରୋନାର ପ୍ରକୋପ । ଏହାରି ଭିତରେ ଦିଲ୍ଲୀର ସରୋଜା ସୁପର ସ୍ପେଶାଲିଟ୍ ହସ୍ପିଟାଲରେ ୮୦ ଜଣ ମେଡିକାଲ କର୍ମଚାରୀ କରୋନା ସଂକ୍ରମିତ ହୋଇଥିବା ଖବର ସାରା ରାଜ୍ୟରେ ଭୟର ବାତାବରଣ ସୃଷ୍ଟି କରିଛି । କେବଳ କର୍ମଚାରୀମାନେ କରୋନା ସଂକ୍ରମିତ ହୋଇ ନାହାନ୍ତି, କରୋନା ସଂକ୍ରମଣରେ ଜଣେ ଡାକ୍ତରଙ୍କର ବି ମୃତ୍ୟୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ହସ୍ପିଟାଲର ପ୍ରମୁଖ ସ୍ୱାସ୍ଥ୍ୟ ଅଧିକାରୀ ଡାକ୍ତର ପି.କେ ଭରଦ୍ୱାଜ ଗଣମାଧ୍ୟମକୁ କହିଛନ୍ତି କି, ହସ୍ପିଟାଲର ବରିଷ୍ଠ ଡାକ୍ତର ଏ.କେ ରାୱତ ଶନିବାର ଦିନ କରୋନା ସଂକ୍ରମଣରେ ପ୍ରାଣ ହରାଇଛନ୍ତି । ସବୁଠାରୁ ବଡକଥା ମୃତ୍ୟୁବରଣ କରିଥିବା ଡାକ୍ତର ଜଣଙ୍କ କରୋନା ଟିକାର ଦୁଇଟି ଯାକ ଖୋରାକ ନେଇସାରିଥିଲେ । ଏହାସହ ମେଡିକାଲରେ ୮୦ କର୍ମଚାରୀ କରୋନା ସଂକ୍ରମିତ ହୋଇଥିବା କଥା ପି.କେ ଭରଦ୍ୱାଜ ଗଣମାଧ୍ୟମକୁ ସୂଚନା ଦେଇଛନ୍ତି ।
ଏହାସହ ଦିଲ୍ଲୀରେ ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ଦିଲ୍ଲୀ ସରକାର ରବିବାର ଦିନ ୧୩ ଟି ହସ୍ପିଟାଲରେ ବେଡ ସଂଖ୍ୟା ବୃଦ୍ଧି କରିଛନ୍ତି । ଏହି ୧୩ ଟି ହସ୍ପିଟାଲରେ କୋଭିଡ ରୋଗୀଙ୍କ ପାଇଁ ୭୪୫୦ ଟି ବେଡ ସଂରକ୍ଷିତ ଥିବା କଥା କୁହାଯାଇଛି ।