କନକ ବ୍ୟୁରୋ : ସମ୍ଭବତଃ ଏହା ଭାରତର ପ୍ରଥମ ଘଟଣା । ମଣିଷ ପରେ ଭାରତରେ କରୋନାରେ ସଂକ୍ରମିତ ହେଉଛନ୍ତି ପଶୁ । ହାଇଦ୍ରାବାଦର ନେହେରୁ ପ୍ରାଣୀ ଉଦ୍ୟାନରେ ୮ ଟି ସିଂହ ଦେହରେ କରୋନା ଭୂତାଣୁ ଚିହ୍ନଟ ହୋଇଛି । ସେଣ୍ଟର ଫର ସେଲୁଲାର ମୋଲିକୋଲାର ବାୟୋଲୋଜି ର ସୂଚନା ମୁତାବକ ଏହି ୮ ଟି ସିଂହଙ୍କର ଆରଟି-ପିସିଆର ଟେଷ୍ଟ କରାଯାଇଥିଲା । ପରୀକ୍ଷା ପରେ ସେମାନେ କୋଭିଡ ପଜିଟିଭ୍ ଚିହ୍ନଟ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ନେହେରୁ ପ୍ରାଣୀ ଉଦ୍ୟାନର ନିର୍ଦ୍ଦେଶକ ସିଦ୍ଧାନନ୍ଦ କୁକର୍ତ୍ତେ ଏହି ଖବରକୁ ନା ଅଗ୍ରାହ୍ୟ କରିଛନ୍ତି ନା ସଠିକ୍ ବୋଲି କହିଛନ୍ତି । ସେ କହିଛନ୍ତି କି ମୋ ପାଖରେ ଏପର୍ଯ୍ୟନ୍ତ ଆରଟି-ପିସିଆର ରିପୋର୍ଟ ପହଂଚି ନାହିଁ । ଏହାସହ ପରୀକ୍ଷା କରାଯାଇଥିବା ସିଂହମାନେ ଏବେ ସୁସ୍ଥ ଥିବା କଥା ସେ କହିଛନ୍ତି ।
ଅନ୍ୟପଟେ ସିସିଏମବିର ନିର୍ଦ୍ଦେଶକ ଏକ ସାକ୍ଷାତକାରରେ କହିଛନ୍ତି କି ଏହି ସିଂହ ମାନଙ୍କ ମଣିଷ ଦ୍ୱାରା ଯୋଗାଇ ଦିଆଯାଉଥିବା ମାଂସରୁ ସେମାନେ କରୋନା ସଂକ୍ରମିତ ହୋଇଛନ୍ତି ।
ଏହାକୁ ଦୃଷ୍ଟିରେ ରଖି ନେହେରୁ ପ୍ରାଣୀଉଦ୍ୟାନକୁ ୨ ଦିନ ପାଇଁ ବନ୍ଦ ରଖାଯାଇଛି । ସିଂହ ମାନଙ୍କର ଦେଖାରଖା କରୁଥିବା କର୍ମଚାରୀଙ୍କ ସମେତ ପ୍ରାଣୀଉଦ୍ୟାନ ଭିତରେ କାମ କରୁଥିବା ସମସ୍ତ କର୍ମଚାରୀଙ୍କ କୋଭିଡ ଟେଷ୍ଟ ପାଇଁ ନିର୍ଦ୍ଦେଶ ଦିଆଯାଇଛି ।