ମାର୍ଚ୍ଚରେ ୮ ଦିନ ବନ୍ଦ ରହିପାରେ ବ୍ୟାଙ୍କ । ଛୁଟି ଓ ଧର୍ମଘଟ କାରଣରୁ ୮ରୁ ୧୫ ତାରିଖ ଯାଏଁ ଠପ ହୋଇପାରେ କାରବାର । ଉପଭୋକ୍ତାଙ୍କ ପାଇଁ ବଢିପାରେ ସମସ୍ୟା
କନକ ବ୍ୟୁରୋ: ବ୍ୟାଙ୍କ ଉପଭୋକ୍ତାଙ୍କ ପାଇଁ ଜରୁରୀ ଖବର। ଆସନ୍ତାମାସରେ ଲଗାତାର ୮ ଦିନ ପର୍ଯ୍ୟନ୍ତ ବନ୍ଦ ରହିପାରେ ବ୍ୟାଙ୍କ । ଫଳରେ ଆପଣ ଟଙ୍କା କିମ୍ବା ଚେକ୍ ଦେବା ନେବାର କାମ କରିପାରିବେ ନାହିଁ। ତେଣୁ ଅସୁବିଧାର ସମ୍ମୁଖୀନ ହେବା ପୂର୍ବରୁ ନିଜର ପ୍ରସ୍ତୁତି କରିନିଅନ୍ତୁ। ନଚେତ୍ ଆପଣଙ୍କୁ କ୍ଷତି ସହିବାକୁ ପଡିପାରେ।
Kanak News is now on WhatsApp
Join and get latest news updates delivered to you via WhatsApp
ଲଗାତର ୮ଦିନ ବନ୍ଦ ରହିପାରେ ବ୍ୟାଙ୍କ । ଆସନ୍ତା ୮ ତାରିଖରୁ ୮ ଦିନ ଧରି ବ୍ୟାଙ୍କ କାରବାର ବନ୍ଦ ରହିବା ନେଇ ଆଶଙ୍କା ଉପୁଜିଛି । ସରକାରୀ ଛୁଟି ସହ ବ୍ୟାଙ୍କ କର୍ମଚାରୀଙ୍କ ଧର୍ମଘଟ ଘୋଷଣା କାରଣରୁ ଏଭଳି ସମ୍ଭାବନା ଉପୁଜିଛି । ଆସନ୍ତା ମାର୍ଚ୍ଚ ୮ ତାରିଖରେ ରବିବାର ଛୁଟି ପଡୁଥିବାରୁ ସେଦିନ ବ୍ୟାଙ୍କ ବନ୍ଦ ରହିବ । ସେହିପରି ୯ ଓ ୧୦ ତାରିଖରେ ଦୋଳ ପୂର୍ଣ୍ଣିମା ଓ ହୋଲି ପଡୁଥିବାରୁ ସରକାରୀ ଛୁଟି ରହିଛି । ପରବର୍ତୀ ତିନିଦିନ ଅର୍ଥାତ ୧୧, ୧୨ ଓ ୧୩ ତାରିଖରେ ବ୍ୟାଙ୍କ କର୍ମଚାରୀମାନେ ଧର୍ମଘଟ କରିବେ ବୋଲି ପୂର୍ବରୁ ଘୋଷଣା କରିଛନ୍ତି ।
ମାର୍ଚ୍ଚ ୧୪ ତାରିଖ ହେଉଛି ମଙ୍କସର ଦ୍ୱିତୀୟ ଶନିବାର ତେଣୁ ବ୍ୟାଙ୍କ ବନ୍ଦ ରହିବ । ଏହା ପରଦିନ ରବିବାର ପଡୁଥିବାରୁ ମଧ୍ୟ ଛୁଟି ରହିବ । ଏହିଭଳି ଲଗାତର ୮ ଦିନ ବ୍ୟାଙ୍କ ବନ୍ଦ ରହୁଥିବାରୁ ଉପଭୋକ୍ତା ହଇରାଣ ହେବାର ଆଶଙ୍କା ଉପୁଜିଛି । ବ୍ୟାଙ୍କ କାରବାର ଅଚଳ ହୋଇଗଲେ ବିଭିନ୍ନ ପ୍ରକାର ପ୍ରଭାବ ପଡିବା ନେଇ ଆଶଙ୍କା ଉପୁଜିଛି । ବ୍ୟବସାୟ ଉପରେ ବଡ ପ୍ରଭାବ ପଡିପାରେ । ଏଟିଏମ ଗୁଡିକରେ ପର୍ଯ୍ୟପ୍ତ ନଗଦ ଟଙ୍କା ମହଜୁଦ ନରଖିଲେ ମଧ୍ୟ ସର୍ବସାଧାରଣ ହଇରାଣ ହରକତ ହୋଇପାରନ୍ତି ।