କନକ ବ୍ୟୁରୋ : ପଞ୍ଚାୟତ ନିର୍ବାଚନର ତୃତୀୟ ପର୍ଯ୍ୟାୟରେ ବି ରେକର୍ଡ ସଂଖ୍ୟକ ମତଦାନ ହୋଇଛି । ତୃତୀୟ ପର୍ଯ୍ୟାୟରେ ୭୮ ଦଶମିକ ୬ ପ୍ରତିଶତ ଭୋଟିଂ ହୋଇଛି । ସୁବର୍ଣ୍ଣପୁରରେ ସର୍ବାଧିକ ୮୭ ଦଶମିକ ୪୪ ପ୍ରତିଶତ ଭୋଟ୍ ଗ୍ରହଣ ହୋଇଛି । ତୃତୀୟ ପର୍ଯ୍ୟାୟରେ ବି ଗଞ୍ଜାମରେ ସର୍ବନିମ୍ନ ୬୬ ଦଶମିକ ୭୫ ପ୍ରତିଶତ ମତଦାନ ହେଇଛି ।

Advertisment

ସେହିପରି ନବରଙ୍ଗପୁରରେ ୮୬ ଦଶମିକ ୩୩ ପ୍ରତିଶତ, କୋରାପୁଟରେ ୮୪ ଦଶମିକ ୭୮, ଅନୁଗୁଳରେ ୮୪ ଦଶମିକ ୨୪ ପ୍ରତିଶତ ଭୋଟ୍ ଗ୍ରହଣ ହୋଇଥିବା ନିର୍ବାଚନ କମିଶନ ସୂଚନା ଦେଇଛନ୍ତି । ତୃତୀୟ ପର୍ଯ୍ୟାୟ ଭୋଟ୍ ଗ୍ରହଣ ବେଳେ ଅନେକ ସ୍ଥାନରେ ହିଂସା ଦେଖିବାକୁ ମିଳିଥିଲା । ଦ୍ୱିତୀୟ ପର୍ଯ୍ୟାୟରେ ୭୮ ଦଶମିକ ୩ ପ୍ରତିଶତ ଓ ପ୍ରଥମ ପର୍ଯ୍ୟାୟରେ ୭୭ ଦଶମିକ ୨୩ ପ୍ରତିଶତ ଭୋଟିଂ ହୋଇଥିଲା ।