ଜନଔଷଧି ଦିବସରେ ପ୍ରଧାନମନ୍ତ୍ରୀଙ୍କ ଅବିଭାଷଣ : କହିଲେ ମେକ୍ ଇନ୍ ଇଣ୍ଡିଆ ଭ୍ୟାକସିନ୍ ନିଜ ପାଇଁ ଓ ଦୁନିଆ ପାଇଁ
କନକ ବ୍ୟୁରୋ : ଆଜି (ମାର୍ଚ୍ଚ-୭) ଜନଔଷଧି ଦିବସରେ ୭୫୦୦ ତମ ଜନଔଷଧି କେନ୍ଦ୍ରର ଉଦଘାଟ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମେଦି । ଏନେଇ ଆୟୋଜିତ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ଭିଡିଓ କନଫରେନ୍ସିଂ ମାଧ୍ୟମରେ ଯୋଗ ଦେଇଥିଲେ । ଏହି ଅବସରରେ ପ୍ରଧାନମନ୍ତ୍ରୀ କହିଥିଲେ କି ଟଙ୍କା ପାଇଁ ସାଧାରଣ ଲୋକେ ଯେଭଳି ଔଷଧ କିଣିବା ବେଳେ ଅସୁବିଧାରେ ନ ପଡନ୍ତି ସେଥିପାଇଁ ସରକାର ଏହି ଯୋଜନା କରିଛନ୍ତି । ଏହାସହ ଏହି ଯୋଜନାରେ ଲୋକମାନଙ୍କୁ ସେବା ଯୋଗାଉଥିବା କର୍ମଚାରୀ ମାନଙ୍କୁ ବି ଧନ୍ୟବାଦ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ଅବସରରେ ପ୍ରଧାନମନ୍ତ୍ରୀ କହିଛନ୍ତି କି ଭାରତର ଫାର୍ମାସୀ କରୋନା ଟିକା ପ୍ରସ୍ତୁତ କରି ସାରା ବିଶ୍ୱକୁ ଚମକାଇ ଦେଇଛି । ମେକ୍ ଇଣ୍ଡିଆ ଭ୍ୟାକସିନ ଦେଶର ଲୋକମାନଙ୍କ ସହ ଅନ୍ୟ ଦେଶର ଲୋକମାନଙ୍କୁ ବି କରୋନା ଭଳି ମହାମାରୀରୁ ରକ୍ଷା କରୁଛି । ଏହାସହ ବିଶ୍ୱର ଅନ୍ୟ ଦେଶ ମାନେ ପ୍ରସ୍ତୁତ କରିଥିବା ଟିକା ଠାରୁ ଭାରତୀୟ ଟିକା ବହୁତ୍ କମ୍ ଦାମରେ ଯୋଗାଇ ଦିଆଯାଉଥିବା ସେ କହିଛନ୍ତି । ଉପସ୍ଥିତ ଲୋକମାନଙ୍କୁ ସମ୍ବୋଧିତ କରି ସେ କହିଛନ୍ତି କି ସାରା ଦେଶର ଲୋକେ ମୋ ପରିବାର । ତେଣୁୁ ମୋ ପରିବାରର କେହି ଲୋକ ରୋଗରେ ପଡିବା ମୋ ପରିବାରର ଲୋକେ ରୋଗରେ ପଡିବା ସହ ସମାନ । ତେଣୁ ଅପାଣମାନଙ୍କୁ କିଭଳି ଶସ୍ତାରେ ଚିକିତ୍ସା ସୁବିଧା ଠାରୁ ଆରମ୍ଭ କରି ଔଷଧ ପର୍ଯ୍ୟନ୍ତ ଯୋଗାଇ ଦିଆଯିବ ତାହା ଉପରେ ଆମ ସରକାର ଧ୍ୟାନ ଦେଉଥିବା କଥା ସେ କହିଛନ୍ତି । ଏହାସହ ଜନଔଷଧି ଦିବସରେ ପ୍ରଧାନମନ୍ତ୍ରୀ ୭୫୦୦ ତମ ଜନଔଷଧି କେନ୍ଦ୍ରର ଶୁଭାରମ୍ଭ କରିଥିଲେ ।