ବର୍ଷା ହେଲେ ଭୁବନେଶ୍ୱରରେ ରହିବାକୁ ପଡିବ ସାବଧାନ: ଜଳବନ୍ଦୀ ଦୃଷ୍ଟିରୁ ୭୫ଟି ସ୍ଥାନ ବିପଦସଙ୍କୁଳ
କନକ ବ୍ୟୁରୋ: ବର୍ଷା ହେଲେ ରାଜଧାନୀ ଭୁବନେଶ୍ୱରରେ ରହିବାକୁ ପଡିବ ସାବଧାନ । ଜଳବନ୍ଦୀ ଦୃଷ୍ଟିରୁ ଭୁବନେଶ୍ୱରର ୭୫ଟି ସ୍ଥାନ ବିପଦସଙ୍କୁଳ ଭାବେ ଚିହ୍ନଟ ହୋଇଛି । ଷ୍ଟାଣ୍ଡିଂ କମିଟି ବୈଠକରେ ଏନେଇ ଆଲୋଚନା ହୋଇଛି । ଏହାସହ ପ୍ରାୟ ୬୫କିଲୋମିଟର ଡ୍ରେନ ଉପରେ ରହିଛି ବେଆଇନ ନିର୍ମାଣ । ରାଜଧାନୀ ସମେତ ସମସ୍ତ ସହରାଂଚଳର ମୁକୁଳା ଡ୍ରେନରେ ପଡ଼ିବ ସ୍ଲାବ । ସହରାଚଂଳ ଡ୍ରେନେଜ୍ ସମସ୍ୟାର ସମାଧାନ ପାଇଁ ବିଧାନସଭା ଷ୍ଟାଣ୍ଡିଂ କମିଟିର ଗୁରୁତ୍ୱପୂର୍ଣ୍ଣ ବୈଠକରେ ଏହି ସବୁ ଆଲୋଚନା ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ବିଧାୟକ ପ୍ରଫୁଲ ସାମଲଙ୍କ ଅଧ୍ୟକ୍ଷତାରେ ଏହି ବୈଠକ ବସିଥିବା ବେଳେ ରାଜ୍ୟର ସମସ୍ତ ସହରାଚଂଳରେ ମୁକୁଳା ପଡିଥିବା ଡ୍ରେନରେ ସ୍ଲାବ ପକାଇବାକୁ ନିଷ୍ପତି ହୋଇଛି । ସେହିପରି ଡ୍ରେନ୍ ଉପରେ ହୋଇଥିବା ଜବରଦଖଲ ଉଚ୍ଛେଦ କରାଯିବ । ଏବଂ ଏହା ପରେ ସ୍ଲାବ୍ ପକାଇବା ପାଇଁ ସ୍ୱତନ୍ତ୍ର ବ୍ୟୟ ବରାଦ କରାଯିବ । ଡ୍ରେନ ସମସ୍ୟାର ସମାଧାନ ଦିଗରେ ଥିବା ଅନ୍ୟାନ୍ୟ ଅସୁବିଧା ଉପରେ ମଧ୍ୟ ବୈଠକରେ ଆଲୋଚନା ହୋଇଛି ।
କଂଗ୍ରେସ ବିଧାୟକ ମହମ୍ମଦ ମୋକିମ, ବିଜେଡି ବିଧାୟକ ଅମର ଶତପଥୀ, ନଗର ଉନ୍ନୟନ ସଚିବ ଜି ମାଥିଭାଥନନଙ୍କ ସହ ଅନ୍ୟାନ୍ୟ ଅଧିକାରୀ ଏହି ବୈଠକରେ ଉପସ୍ଥିତ ଥିଲେ । ନିକଟରେ ଜଣେ ଦଶମ ଶ୍ରେଣୀର ଛାତ୍ର ଭୁବନେଶ୍ୱରର ମୁକୁଳା ଡ୍ରେନରେ ଭାସି ଯିବାକୁ ନେଇ ତମ୍ବି ତୋଫାନ ହୋଇଥିଲା । ବିଏମସି ଓ ନଗର ଉନ୍ନୟନ ବିଭାଗର ଅବହେଳାକୁ ଦାୟୀ କରି ରାସ୍ତାକୁ ଓହ୍ଲାଇଥିଲେ ବିଭିନ୍ନ ରାଜନୈତିକ ଦଳ ଓ ସାମାଜିକ ସଂଗଠନ ।