ଦେଶରେ ଅସମ୍ଭାଳ କରୋନା ସ୍ଥିତି । ନୂଆ ସଂକ୍ରମଣରେ ୩୫ ପ୍ରତିଶତ ବୃଦ୍ଧି । ଗତ ୨୪ ଘଂଟାରେ ଚିହ୍ନଟ ହେଲ ୭୨ ହଜାରରୁ ଅଧିକ ସଂକ୍ରମିତ
କନକ ବ୍ୟୁରୋ : କରୋନା ସଂକ୍ରମଣର ଦ୍ୱିତୀୟ ଲହର ଦିନକୁ ଦିନ ବିପଦ ଆଡକୁ ମୁହାଁଇଛି । ଗୁରୁବାର ଦିନ ସଂକ୍ରମଣ ୩୫ ପ୍ରତିଶତ ବୃଦ୍ଧି ସହିତ ଦେଶରେ ଗୋଟିଏ ଦିନରେ ୭୨.୩୩୦ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଚଳିତ ବର୍ଷ ଗୋଟିଏ ଦିନରେ ଏହା ସର୍ବାଧିକ ସଂକ୍ରମଣ । ଏହି ସଂଖ୍ୟାକୁ ମିଶାଇ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୧, ୨୨,୨୧, ୬୬୫ କୁ ବୃଦ୍ଧି ପାଇଛି । କେବଳ ସେତିକି ନୁହେଁ ଗତ ୨୪ ଘଂଟା ମଧ୍ୟରେ କରୋନା ସଂକ୍ରମଣରେ ୪୫୯ ଜଣଙ୍କ ପ୍ରାଣହାନୀ ଘଟିଛି । ଯାହାକି ଚଳିତ ବର୍ଷ ଗୋଟିଏ ଦିନରେ ସର୍ବାଧିକ ବୋଲି କୁହାଯାଇଛି । ଏହାସହ କରୋନା ସଂକ୍ରମଣ ଜନିତ ମୋଟ ମୃତକଙ୍କ ସଂଖ୍ୟା ୧,୬୨,୯୨୭ ରେ ପହଂଚିଛି । ସବୁଠାରୁ ଚିନ୍ତାର ବିଷୟ କି କରୋନାର ପ୍ରଥମ ଲହରରେ ସୁସ୍ଥ ହେଉଥିବା ସଂକ୍ରମିତଙ୍କ ହାର ଠାରୁ ଦ୍ୱିତୀୟ ଲହର ବେଳେ ସୁସ୍ଥ ହାର ବେସ୍ କମୁଛି । ଗତ ୨୪ ଘଂଟା ମଧ୍ୟରେ ୪୦,୩୮୨ ଜଣ ସୁସ୍ଥ ହୋଇଛନ୍ତି । ଏହା ସହ ମୋଟ ସୁସ୍ଥଙ୍କ ସଂଖ୍ୟା ୧,୧୪,୭୪,୬୮୩ । ଏବେ ସୁସ୍ଥ ହାର ୯୩.୮୯ ପ୍ରତିଶତ ରହିଛି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଯଦି ସଂକ୍ରମଣ ହାରକୁ ହିସାବ କରାଯିବ ତେବେ ଅଗଷ୍ଟ ୨୦୨୦ ରେ ସଂକ୍ରମିତଙ୍କ ସଂଖ୍ୟା ୨୦ ଲକ୍ଷ ଥିଲା । ୨୩ ଅଗଷ୍ଟକୁ ଏହା ବଢି ୩୦ ଲକ୍ଷ ହୋଇଥିଲା । ସେହିଭଳି ୨୦୨୦ ସେପ୍ଟେମ୍ବର ୫ ତାରିଖ ସୁଦ୍ଧା ସଂକ୍ରମିତଙ୍କ ସଂଖ୍ୟା ୪୦ ଲକ୍ଷରେ ପହଂଚିଥିବା ବେଳେ ୨୦୨୦ ସେପ୍ଟେମ୍ବର ବେଳକୁ ଏହି ସଂଖ୍ୟା ୫୦ ଲକ୍ଷ ହୋଇଥିଲା । ଏହାପରେ ସଂକ୍ରମଣ ହାର କମି କମି ଆସୁଥିବା ବେଳେ ଫେବୃଆରୀ ୨୦୨୧ ରୁ ପୁଣି କରୋନାର ଦ୍ୱିତୀୟ ଲହର ଦେଖିବାକୁ ମିଳିଥିଲା ।