କାଳିଆରେ ସବୁ ତ ତୋରି ସମ୍ପତ୍ତି… ଜମି ବିକି ଜଗନ୍ନାଥଙ୍କୁ ୨୦ ଲକ୍ଷ ଦାନ କଲେ ୭୦ ବର୍ଷୀୟ ମହିଳା ।
କନକ ବ୍ୟୁରୋ: ମହାପ୍ରଭୁ ଶ୍ରୀଜଗନ୍ନାଥଙ୍କ ସମ୍ପତ୍ତିକୁ ଚଞ୍ଚକତା କରି ହଡପ କରିବା ଭଳି ଖବର ବାରମ୍ବାର ସାମ୍ନାକୁ ଆସୁଛି । ଶ୍ରୀଜଗନ୍ନାଥଙ୍କ ଜମି ଫେରାଇ ଆଣିବାକୁ ସରକାର ଓ ଶ୍ରୀମନ୍ଦିର ପ୍ରଶାସନ ଅନେକ ସମୟରେ ନ୍ୟାୟାଳୟର ଦ୍ୱାରସ୍ଥ ହେଉଛନ୍ତି । ଏଭଳି ସମୟରେ ଜଣେ ୭୦ ବର୍ଷୀୟ ମହିଳା ଜମି ବିକ୍ରି କରି ଜଗନ୍ନାଥଙ୍କୁ ଦାନ କରିଛନ୍ତି । ବାଲେଶ୍ୱର ଜିଲ୍ଲା ବସ୍ତା ଅଂଚଳ ସଦାନନ୍ଦପୁରର ୭୦ ବର୍ଷୀୟ ମହିଳା ସୁପ୍ରଭା ପଣ୍ଡା ନିଜ ଜମି ବିକ୍ରି କରି ମହାପ୍ରଭୁଙ୍କ ୨୦ ଲକ୍ଷ ଟଙ୍କା ଦାନ କରିବା ଭଳି ଖବର ଏବେ ଚର୍ଚ୍ଚାର ବିଷୟ ପାଲଟିଛି ।
Kanak News is now on WhatsApp
Join and get latest news updates delivered to you via WhatsApp
ସ୍ୱାମୀଙ୍କ ଇଚ୍ଛା ପୂରଣ କରିବାକୁ ସେ କଟକରେ ଥିବା ଏକ ଜମିକୁ ବିକ୍ରି କରି ମହାପ୍ରଭୁଙ୍କୁ ଦାନ କରିଛନ୍ତି । ପୂର୍ବରୁ ଗାଁ ସ୍କୁଲକୁ ମଧ୍ୟ ସେ ୧୫ ଲକ୍ଷ ଟଙ୍କା ଦାନ କରିଛନ୍ତି । ସ୍ୱାମୀ ପଙ୍କଜକାନ୍ତ ପଣ୍ଡା ମହାପ୍ରଭୁ ଶ୍ରୀଜଗନ୍ନାଥଙ୍କ ପରମ ଭକ୍ତ ଥିଲେ । କମର୍ସିଆଲ ସେଲ ଟ୍ୟାକ୍ସ ଅଫିସର ଭାବେ କାମ କରୁଥିବା ବେଳେ ୨୦୨୧ରେ ଚାରିକିରୁ ଅବସର ନେଇଥିଲେ । ତାଙ୍କର କେହି ପିଲାପିଲି ନଥିବାରୁ ମହାପ୍ରଭୁଙ୍କୁ ଦାନ କରିବାକୁ ଇଚ୍ଛା କରିଥିଲେ । ହେଲେ କର୍କଟ ରୋଗରେ ଆକ୍ରାନ୍ତ ହେବାରୁ ତାଙ୍କର ଏହି ଇଚ୍ଛାଟିକୁ ପୂରଣ କରିବା ପାଇଁ ପତ୍ନୀଙ୍କୁ ବାରମ୍ବାର କହୁଥିଲେ ।
ଭୁବନେଶ୍ୱରକୁ କେମୋ ନେବାକୁ ଆସିଥିବାବେଳେ ଶେଷଥର ମହାପ୍ରଭୁ ଶ୍ରୀଜଗନ୍ନାଥଙ୍କୁ ଦର୍ଶନ କରିଥିଲେ । କିନ୍ତୁ ଦାନ କରିବାର ଇଚ୍ଛା ପୂରଣ ହୋଇପାରିନଥିଲା । କୋଭିଡ କଟକଣା କାରଣରୁ ଏହି ଇଚ୍ଛା ପୂରଣ କରିବାରେ ବିଳମ୍ବ ହୋଇଛି । କିନ୍ତୁ ଶେଷରେ ଦାନ କରି ଖୁବ ଆତ୍ମସନ୍ତୋଷ ଲାଭ କରିଛନ୍ତି ଶ୍ରୀମତୀ ପଣ୍ଡା ।