ପିକଅପ ଭ୍ୟାନ ଓଲଟି ୭ରୁ ଅଧିକ ମୃତ ସୂଚନା । ଜୟପୁରରେ ଭାରସାମ୍ୟ ହରାଇ ଓଲଟିପଡିଲା ଗାଡି 

53

କନକ ବ୍ୟୁରୋ : ପିକଅପ ଭ୍ୟାନ ଓଲଟି ୭ରୁ ଅଧିକ ଲୋକ ମୃତ୍ୟୁ ସୂଚନା ମିଳିଛି । ଜୟପୁର ସହର କୋଟପାଡ ବ୍ଲକ ଅନ୍ତର୍ଗତ ମୁର୍ତ୍ତାହାଣ୍ଡିଠାରେ ଭାରସାମ୍ୟ ହରାଇ ଓଲଟି ପଡିଲା ଗାଡି । ଦଶାହ କାମ ସାରି ଛତିଶଗଡ ଫେରୁଥିବା ବେଳେ ଘଟିଲା ଦୁର୍ଘଟଣା । ଏହି ଦୁର୍ଘଟଣାରେ ୧୫ରୁ ଅଧିକ ଆହତ ହୋଇଛନ୍ତି, ସେମାନଙ୍କୁ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି ।

ସିନ୍ଧୁଗୁଡାରୁ ଛତିଶଗଡ କୁଲଚା ଗାଁକୁ ଫେରୁଥିବା ବେଳେ ଏଭଳି ଅଘଟଣ ଘଟିଛି । ମୃତକଙ୍କ ସଂଖ୍ୟା ବଢିବାର ଆଶଙ୍କା ରହିଛି । ଘଟଣାସ୍ଥଳରେ ପୋଲିସ ଓ ସ୍ଥାନୀୟ ଲୋକ ପହଞ୍ଚି ଉଦ୍ଧାର କାର୍ଯ୍ୟ କରୁଛନ୍ତି । ପିକ ଭ୍ୟାନରେ ମୋଟ ୨୦ରୁ ୨୫ ଜଣ ଲୋକ ଥିବା ସୂଚନା ମିଳିଛି ।