କଟକରେ ଘନଘନ ଚୋରୀ । ଗୋଟିଏ ରାତିରେ ୭ ଘରେ କଳାକନା ବୁଲାଇଲେ ଚୋର ।

କନକ ବ୍ୟୁରୋ: କଟକ ଜିଲ୍ଲା କିଶନନଗର ଥାନା ଅଂଚଳରୁ ଘନଘନ ଚୋରି । ତରଡପଡା ଗାଁରୁ ଗୋଟିଏ ରାତିରେ ୭ଟି ଘରୁ ସୁନା, ରୁପା, ଲକ୍ଷାଧିକ ଟଙ୍କାର ସାମଗ୍ରୀ ଚୋରି ହୋଇଥିବା ନେଇ ପୋଲିସକୁ ଗ୍ରାମବାସୀମାନେ ଅଭିଯୋଗ କରିଛନ୍ତି । ଅଭିଯୋଗ ପାଇବାପରେ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରିଥିଲେ ମଧ୍ୟ କାହାରିକୁ ଧରିବାରେ ସଫଳ ହୋଇନାହିଁ ।

ବାରମ୍ବାର କିଶନନଗର ଥାନା ଅଞ୍ଚଳରେ ଏହିପରି ଚୋରି ହେଉଥିବା ବେଳେ ପୋଲିସର କାର୍ଯ୍ୟ ଦକ୍ଷତାକୁ ନେଇ ସାଧାରଣରେରେ ପ୍ରଶ୍ନବାଚୀ ସୃଷ୍ଟି ହୋଇଛି । ରାତିରେ ପୋଲିସ ପାଟ୍ରୋଲିଂ ଠିକଠାକ ହେଉନଥିବା ବେଳେ ଚୋରମାନେ ଏହାର ଫାଇଦା ନେଉଛନ୍ତି ବୋଲି ଅଭିଯୋଗ ହୋଇଛି ।