ଆସାମରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ । ୭ ଆତଙ୍କବାଦୀ ନିହତ
କନକ ବ୍ୟୁରୋ : ଆସାମ- ନାଗାଲାଣ୍ଡ ସୀମା ପଶ୍ଚିମ କାର୍ବି ଜିଲ୍ଲାରେ ସୁରକ୍ଷାକର୍ମୀଙ୍କ ଅପରେଶନ ବେଳେ ୭ ଜଣ ଆତଙ୍କବାଦୀ ନିହତ ହୋଇଛନ୍ତି । ନିହତ ହୋଇଥିବା ଆତଙ୍କବାଦୀମାନେ ଦିମାସା ନ୍ୟାସନାଲ ଲିବରେସନ ଆର୍ମି (ଡିଏନଏଲଏ) ର ବୋଲି କୁହାଯାଇଛି । ଏହି ଆତଙ୍କବାଦୀ ସଂଗଠନ ଡିଏନଏଲଏ ଆସାରମ ଦୀମା ହାସାଓ ଓ କର୍ବିି ଜିଲ୍ଲାରେ ସକ୍ରିୟ ଥିବା କଥା କୁହାଯାଇଛି । ପୋଲିସର ସୂଚନା ମୁତାବକ ସୁରକ୍ଷା ବଳ ଶୁକ୍ରବାର ରାତିରେ ଡିଏନଏଲଏ କ୍ୟାମ୍ପର ଠିକଣା ପାଇଥିଲେ । ଶନିବାର ରାତିରେ କାର୍ବି ଓ ଲାଙ୍ଗଲଙ୍ଗ ଜିଲ୍ଲାରେ ଅପରେଶନ ଆରମ୍ଭ କରିଥିଲେ । ଏହି ଅପରେଶନ ବେଳେ ଆତଙ୍କବାଦୀ ମାନେ ସୁରକ୍ଷାକର୍ମୀଙ୍କ ଉପରକୁ ଗୁଳି ଚଳାଇଥିଲେ । ଉଭୟ ପକ୍ଷର ଗୁଳିବିନିମୟରେ ୭ ଜଣ ଆତଙ୍କବାଦୀ ନିହତ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
Seven DNLA terrorists were killed during an encounter with Assam Police in Karbi Anglong. Three AK-47, arms & ammunition recovered from the spot. As per the information, two of their leaders were injured during the encounter: Assam Chief Minister Himanta Biswa Sarma pic.twitter.com/ELo9P1W1m3
— ANI (@ANI) May 23, 2021
ଏଭଳି ୭ ଜଣ ଆତଙ୍କବାଦୀଙ୍କ ମୃତ୍ୟୁ ପରେ ଡିଏନଏଲଏ ସଂଗଠନକୁ ବଡ ଝଟକା ଲାଗିଛି । ଆସାମ ପୋଲିସର ସ୍ୱତନ୍ତ୍ର ଡିଜି ଜେ.ପି ସିଂ କହିଛନ୍ତି କି, ମୃତ ଆତଙ୍କବାଦୀଙ୍କ ନିକଟରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଓ ଗୁଳା ବାରୁଦ ଜବତ କରାଯାଇଛି । ଏନେଇ ସେ ଏକ ଟ୍ୱିଟ କରି କହିଛନ୍ତି କି, ଆସାମ ପୋଲିସ ଓ ଆସାମ ରାଇଫଲ୍ସର ମିଳିତ ଅପରେଶନରେ ଡିଏନଏଲଏ ଆତଙ୍କବାଦୀ ସଂଗଠନର ୭ ଜଣ ପ୍ରାଣ ହରାଇଛନ୍ତି ।
କହିରଖୁ କି ମେ ୧୯ ତାରିଖ ଦିନ ଡିଏନଏଲଏ ଆତଙ୍କବାଦୀ ଆସାମ-ନାଗାଲାଣ୍ଡ ସୀମାରେ ଜଣେ ଯୁବକକୁ ହତ୍ୟା କରିଥିଲେ । ଏହାପରେ ସୁରକ୍ଷାକର୍ମୀ ମାନେ ବଡ ଧରଣର ଅପରେଶନ ଆରମ୍ଭ କରିଥିଲେ ।