ଜମ୍ମୁ-କାଶ୍ମୀର କଂଗ୍ରେସରେ ସଂକଟ, ୪ ପୂର୍ବ ମନ୍ତ୍ରୀ ସମେତ ୩ ବିଧାୟକଙ୍କ ଇସ୍ତଫା
କନକ ବ୍ୟୁରୋ : ଜମ୍ମୁ-କାଶ୍ମୀରର ୭ ବରିଷ୍ଠ କଂଗ୍ରେସ ନେତା ସେମାନଙ୍କ ଇସ୍ତଫା ପତ୍ର ପାର୍ଟି ଅଧ୍ୟକ୍ଷା ସୋନିଆ ଗାନ୍ଧୀଙ୍କ ନିକଟକୁ ପଠାଇଛନ୍ତି । ସେମାନେ ଏହି କେନ୍ଦ୍ର ଶାସିତ ଅଞ୍ଚଳରେ ପାର୍ଟିର ସମ୍ବଧିତ ମାମଲକୁ ନେଇ ନିଜର ମତ ରଖିବାକୁ ସୁଯୋଗ ଦିଆଯାଇନଥିବା ଅଭିଯୋଗ କରି ଦଳରୁ ଇସ୍ତଫା ଦେଇଥିବା କଥା କୁହାଯାଇଛି । ଇସ୍ତଫା ଦେଇଥିବା ନେତାମାନଙ୍କ ମଧ୍ୟରେ ୪ ଜଣ ପୂର୍ବତନ ମନ୍ତ୍ରୀ ଓ ୩ ଜଣ ବିଧାୟକ ରହିଛନ୍ତି । ସେମାନଙ୍କୁ ପୂର୍ବତନ ମୁଖ୍ୟମନ୍ତ୍ରୀ ଗୁଲାମ ନବୀ ଆଜାଦଙ୍କ ନିଟକତର ବୋଲି କୁହାଯାଉଛି । ଅନ୍ୟପଟେ ଇସ୍ତଫା ଦେଇଥିବା ନେତାମାନେ ସେମାନଙ୍କ ଇସ୍ତଫା ପତ୍ର ସୋନିଆ ଗାନ୍ଧୀଙ୍କ ବ୍ୟତୀତ ପୂୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଓ ପ୍ରଦେଶ ପ୍ରଭାରୀ ରଜନୀ ପାଟିଲଙ୍କ ନିକଟକୁ ବି ପଠାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଇସ୍ତଫା ପତ୍ରରେ ଅଭିଯୋଗ କରାଯାଇଛି କି କଂଗେସ ନେତୃତ୍ୱଙ୍କ ମଧ୍ୟରେ ଚାଲିଥିବା ଶତ୍ରୁତାପୂର୍ଣ୍ଣ ଆଚରଣ ପାଇଁ ସେମାନେ ଏଭଳି ପଦକ୍ଷେପ ନେଇଛନ୍ତି । ସୂତ୍ର ସୂଚନା ମୁତାବକ ପୂର୍ବତନ ଉପମୁଖ୍ୟମନ୍ତ୍ରୀ ତାରା ଚନ୍ଦ ସମେତ ଆଜାଦଙ୍କ ନିକଟତର ନେତମାନେ ଇସ୍ତଫା ଦେଇଥିବା ନେତାମାନଙ୍କ ଠାରୁ ଦୂରେଇ ରହିଛନ୍ତି ।
ଇସ୍ତଫା ପତ୍ରରେ କୁହାଯାଇଛି କି ସେମାନେ ନିଜର ସମସ୍ୟା ନେଇ ବାରମ୍ବାର ଦଳର ହାଇକମାଣ୍ଡଙ୍କ ଧ୍ୟାନ ଆକର୍ଶଣ କରିବାକୁ ଚେଷ୍ଟା କରିଥିଲେ ବି ହାଇକମାଣ୍ଡ ସେମାନଙ୍କ ସମୟ ଦେଇ ନଥିଲେ । ଏନେଇ ସେମାନେ ଗୋଟିଏ ବର୍ଷ ହେବ ଚେଷ୍ଟା କରୁଥିବା ବେଳେ ସୋନିଆ ଗାନ୍ଧୀ ସମୟ ଦେଇନଥିବାରୁ ଶେଷରେ ସେମାନେ ଇସ୍ତଫା ଦେଇଥିବା କଥା ଇସ୍ତଫା ପତ୍ରରେ ଉଲ୍ଲେଖ କରିଛନ୍ତି ।
ସେମାନେ ଜମ୍ମୁ-କାଶ୍ମୀରର କଂଗ୍ରେସ ଅଧ୍ୟକ୍ଷ ଜି.ଏ ମୀରଙ୍କୁ ଟାର୍ଗେଟ କରି କହିଛନ୍ତି ଯେ ମୀର ପାର୍ଟିର ରାଜ୍ୟ ଅଧ୍ୟକ୍ଷ ହେବା ପର ଠାରୁ ଦଳ ଦିନକୁ ଦିନ ରଶାତଳକୁ ଯାଉଛି । ଏହାସହ ପାର୍ଟିର ଅନେକ ନେତା ଦଳ ଛାଡି ଅନ୍ୟଦଳକୁ ଯାଉଥିବା ସେମାନେ ଅଭିଯୋଗ କରିଛନ୍ତି ।