କନକ ବ୍ୟୁରୋ : ବାତ୍ୟା ‘ୟାସ’କୁ ଦେଖି ଦୋକାନରେ ବିକ୍ରି ସମୟକୁ ବୃଦ୍ଧି କରିଛନ୍ତି ସରକାର । ବିଶେଷ କରି ବାତ୍ୟା ଦ୍ୱାରା ପ୍ରଭାବିତ ହେବାକୁ ଥିବା ୧୦ଟି ଜିଲ୍ଲାରେ କଟକଣା କୋହଳ କରାଯାଇଛି । ଏସବୁ ଜିଲ୍ଲାରେ ଆଜି ଓ ଆସନ୍ତାକାଲି ସାକଳ ୭ରୁ ଦିନ ଗୋଟାଏ ଯାଏଁ ଦୋକାନ ଖୋଲା ରହିବ ବୋଲି ବିଜ୍ଞପ୍ତି ଜାରି କରିଛନ୍ତି ସ୍ୱତନ୍ତ୍ର ରିଲିଫ କମିଶନର । ପୂର୍ବରୁ ମାତ୍ର ୪ ଘଂଟା ପାଇଁ ଅର୍ଥାତ ସକାଳ ୭ଟାରୁ ୧୧ଟା ଯାଏଁ ଅତ୍ୟାବଶ୍ୟକ ସାମଗ୍ରୀ ଦୋକାନ ଖୋଲା ରଖିବାକୁ ଅନୁମତି ରହିଥିଲା ।
Kanak News is now on WhatsApp
Join and get latest news updates delivered to you via WhatsApp
ତେବେ ବାତ୍ୟା ଆସୁଥିବାରୁ ଲୋକେ କମ ସମୟ ମଧ୍ୟରେ ନିତ୍ୟବ୍ୟବହାର୍ଯ୍ୟ ସାମଗ୍ରୀ କିଣିବାକୁ ଦୋକାନ ବଜାରରେ ଗହଳି କରିବା ଆଶଙ୍କା ରହିଥିଲା । ଯାହା କରୋନା ସଂକ୍ରମଣ ବୃଦ୍ଧିରେ ସହାୟତ ହୋଇଥାନ୍ତା । ବୋଧହୁଏ ଏହାକୁ ଦୃଷ୍ଟିରେ ରଖି ସରକାର ଦୁଇ ଦିନ ଦୋକନ ଖୋଲିବା ଅବଧିକୁ ବୃଦ୍ଧି କରିଛନ୍ତି । ୧୦ ଜିଲ୍ଲା ହେଲା ବାଲେଶ୍ୱର, ଭଦ୍ରକ, ଜଗତସିଂହପୁର, କେନ୍ଦ୍ରାପଡା, ମୟୂରଭଞ୍ଜ, କେନ୍ଦୁଝର, ପୁରୀ, ଯାଜପୁର, କଟକ ଓ ଖୋର୍ଦ୍ଧା । ସ୍ୱତନ୍ତ୍ର ରିଲିଫ କମିଶନରଙ୍କ ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଛି ।