୧୯ ଯୁଦ୍ଧର ଷଷ୍ଠ ପର୍ଯ୍ୟାୟ ଲଢେଇ । ୭ଟି ରାଜ୍ୟର ୫୯ଟି ଲୋକସଭା ଆସନରେ ରାତି ପାହିଲେ ପଡିବ ଭୋଟ୍, ଜନତା ନିର୍ଦ୍ଧାରଣ କରିବେ ନେତାଙ୍କ ଭାଗ୍ୟ ।
କନକ ବ୍ୟୁରୋ : ନିର୍ବାଚନୀ ମଇଦାନରେ ବହୁତ ଝାଳ ବୁହାଇଲେ ନେତା । ଏବେ ଜନତାଙ୍କ ହାତରେ ନେତାଙ୍କ ରାଜନୈତିକ ଭବିଷ୍ୟତ । ରାତିପାହିଲେ ଷଷ୍ଠ ପର୍ଯ୍ୟାୟ ନିର୍ବାଚନ ପାଇଁ ପଡିବ ଭୋଟ୍ । ୧୯ ଯୁଦ୍ଧର ଷଷ୍ଠ ପର୍ଯ୍ୟାୟରେ କାଲି ୭ଟି ରାଜ୍ୟର ୫୯ଟି ଲୋକସଭା ଆସନରେ ଭୋଟଗ୍ରହଣ ହେବ । ତେବେ କାଲି ଫୋକସରେ ଦିଲ୍ଲୀର ସମସ୍ତ ୭ଟି ଲୋକସଭା ଆସନ ।
Kanak News is now on WhatsApp
Join and get latest news updates delivered to you via WhatsApp
ଷଷ୍ଠ ପର୍ଯ୍ୟାୟରେ ମୋଟ୍ ୫୯ଟି ଲୋକସଭା ଆସନ ମଧ୍ୟରେ ରହିଛି, ଉତ୍ତରପ୍ରଦେଶର ୧୪ଟି, ହରିୟାଣାର ୧୦ଟି, ବିହାରର ୮ଟି, ଦିଲ୍ଲୀର ୭ଟି, ପଶ୍ଟିମବଙ୍ଗର ୮ଟି, ମଧ୍ୟପ୍ରଦେଶର ୮ଟି, ଝାରଖଣ୍ଡର ୪ଟି ଲୋକସଭା ଆସନ ରହିଛି ।
ତେବେ କାଲି ନିର୍ବାଚନରେ ବାଜିରେ ଲାଗିଛି ଅନେକ ହେଭିୱେଟ୍ ନେତାଙ୍କ ଭାଗ୍ୟ । ସକାଳ ୭ଟାରୁ ଭୋଟଗ୍ରହଣ ହେବାକୁ ଥିବା ବେଳେ ସନ୍ଧ୍ୟା ୬ଟା ପର୍ଯ୍ୟନ୍ତ ମତଦାନ ପ୍ରକ୍ରିୟା ଚାଲିବ । ୧୯ ମହାଯୁଦ୍ଧର ଆଉ ଦୁଇଟି ପର୍ଯ୍ୟାୟ ନିର୍ବାଚନ ବାକି ରହିଥିବା ବେଳେ ଅନ୍ୟପଟେ ସରଗରମ ହୋଇଛି ଜାତୀୟ ରାଜନୀତି । ମେ ୧୯ ତାରିଖ ଦେଶରେ ଶେଷ ପର୍ଯ୍ୟାୟ ନିର୍ବାଚନ ହେବାକୁ ଯାଉଥିବା ବେଳେ ମେ ୨୩ ତାରିଖରେ ଖୋଲିବ ନେତାଙ୍କ ଭାଗ୍ୟର ପେଡି । ଯେତେବେଳେ ସ୍ପଷ୍ଟ ହୋଇଯିବ କିଏ ଜନତାଙ୍କ ଭରସା ଜିଣିବାରେ ସଫଳ ହୋଇଛି ।