ବ୍ରାଣ୍ଡସ୍ ଅଫ ଓଡିଶା, ପ୍ରାଇଡ ଅଫ ଇଣ୍ଡିଆର ଷଷ୍ଠ ସଂସ୍କରଣ । ଭିଡିଓ ବାର୍ତା ଦେଇ ପ୍ରଶଂସା କଲେ ମୁଖ୍ୟମନ୍ତ୍ରୀ, କାର୍ଯ୍ୟକ୍ରମରେ ଯୋଗଦେଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
କନକ ବ୍ୟୁରୋ: ବ୍ରାଣ୍ଡ୍ସ ଅଫ ଓଡି଼ଶା ପ୍ରାଇଡ୍ ଅଫ ଇଣ୍ଡିଆ । ସମ୍ବାଦ କର୍ପୋରେଟ୍ଏକ୍ସିଲେନ୍ସ ଆୱାର୍ଡ- ୨୦୨୩ । ଚଳିତବର୍ଷ ଭୁବନେଶ୍ୱର ହୋଟେଲ ମେ ଫେୟାର କନଭେନସନରେ ଆୟୋଜନ କରାଯାଇଛି ଏହାର ଷଷ୍ଠ ସଂସ୍କରଣ । କାର୍ଯ୍ୟକ୍ରମରେ ପୌରହିତ୍ୟ କରିଛନ୍ତି ସମ୍ବାଦ ଗ୍ରୁପର ଅଧ୍ୟକ୍ଷ ସୌମ୍ୟରଞ୍ଜନ ପଟ୍ଟନାୟକ ।
Kanak News is now on WhatsApp
Join and get latest news updates delivered to you via WhatsApp
ଓଡିଶାରୁ ନିଜ ବ୍ରାଣ୍ଡର ପରିଚୟ ଆରମ୍ଭ କରି, ରାଜ୍ୟ ବାହାରେ ତାର ପ୍ରଚାର ପ୍ରସାର କରିଥିବା ସଂସ୍ଥାଗୁଡିକୁ ପୁରସ୍କୃତ କରିବା । ଏହି ଲକ୍ଷ୍ୟ ନେଇ ସମ୍ବାଦ ପକ୍ଷରୁ ଆୟୋଜନ କରାଯାଉଛି କର୍ପୋରେଟ ଏକ୍ସିଲେନ୍ସ ଆୱାର୍ଡ । ଏଥିରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ କେନ୍ଦ୍ର ଶିକ୍ଷା ଏବଂ ଦକ୍ଷତା ବିକାଶ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଯୋଗଦେଇ ସମ୍ବାଦର ଏଭଳି ଉଦ୍ୟମକୁ ପ୍ରଶଂସା କରିଛନ୍ତି ।
ଓଡିଶା ଦକ୍ଷତା ବିକାଶ ପ୍ରାଧିକରଣ- ଓଏସଡିର ଅଧ୍ୟକ୍ଷ ସୁବ୍ରତ ବାଗଚୀ କାର୍ଯ୍ୟକ୍ରମରେ ଅତିଥି ଭାବେ ଯୋଗଦେଇ ବ୍ରାଣ୍ଡ ସଂପର୍କରେ ବ୍ୟାଖ୍ୟା କରିଛନ୍ତି । କର୍ପୋରେଟ୍ ସାମାଜିକ ଦାୟିତ୍ୱବୋଧ, ବୃହତ, ମଧ୍ୟମ, କ୍ଷୁଦ୍ର ଏବଂ ଇମର୍ଜିଂ ଓ ଷ୍ଟାର୍ଟଅପ ଭଳି ୫ଟି ବର୍ଗରେ ଶିଳ୍ପ ସଂସ୍ଥାଗୁଡିକ ମଧ୍ୟରୁ ବିଜେତା ଚୟନ କରି ପୁରସ୍କୃତ କରାଯାଇଛି ।
ସମ୍ବାଦ କର୍ପୋରେଟ୍ ଏକ୍ସିଲେନ୍ସ ଆୱାର୍ଡର ଚଳିତ ସଂସ୍କରଣରେ ସାମିଲ ହେବା ପାଇଁ ରାଜ୍ୟର କୋଣ ଅନୁକୋଣରୁ ବହୁ ପରିମାଣରେ ଆବେଦନ ଆସିଥିଲା । ସ୍ୱାଧୀନ ଓ ନିରପେକ୍ଷ ବିଚାରକ ମଣ୍ଡଳୀ ସେଗୁଡିକୁ ଅନୁଧ୍ୟାନ କରି ବିଜେତାମାନଙ୍କୁ ଚୟନ କରିଥିଲେ ।