ଗୁଜରାଟରେ ୪୦୦ କୋଟି ଟଙ୍କାର ଡ୍ରଗ୍ସ ଜବତ । ୬ ପାକିସ୍ତାନୀ ନାଗରିକଙ୍କୁ ଗିରଫ କଲା ଏନସିବି ଓ ଗୁଜରାଟ ଏଟିଏସ ।
କନକ ବ୍ୟୁରୋ: ଗୁଜରାଟର ପୋରବନ୍ଦର ନିକଟରେ ୪୦୦ କୋଟି ଟଙ୍କାର ଡ୍ରଗ୍ସ ଜବତ । ଏଥିସହ ଜବତ ହୋଇଥିବା ଡଂଗାରେ ଥିବା ୬ ଜଣ ପାକିସ୍ତାନୀ ନାଗରିକଙ୍କୁ ଗିରଫ କରାଯାଇଛି । ନାର୍କୋଟିକ୍ସ କଂଟ୍ରୋଲ ବ୍ୟୁରୋ ବା ଏନସିବି, ଭାରତୀୟ ତଟରକ୍ଷୀ ବାହିନୀ ଏବଂ ଗୁଜରାଟ ଏଟିଏସ୍ର ଅଧିକାରୀମାନେ ଏହି ଡ୍ରଗ୍ସ ଜବତ କରିଛନ୍ତି । ଗତକାଲି ରାତିରେ ସୀମା ଭିତରକୁ ପ୍ରବେଶ କରିବାକୁ ଚେଷ୍ଟା କରୁଥିବା ବେଳେ ଧରିପଡିଛନ୍ତି । ଗୁଜରାଟ ଏଟିଏସ କହିଛି, ଗିରଫ ୬ ଜଣ ପାକିସ୍ତାନ ନାଗରିକ । ଭାରତୀୟ ଡଙ୍ଗା ବ୍ୟବହାର କରି ଦିଲ୍ଲୀ ଓ ପଞ୍ଜାବରେ ଡ୍ରଗ୍ସ ଚୋରା ଚାଲାଣ କରିବାକୁ ଚେଷ୍ଟା କରିବାକୁ ଲକ୍ଷ୍ୟ ରଖିଥିଲେ । ମାସକ ମଧ୍ୟରେ ଗୁଜୁରାଟର ଉପକୂଳରୁ ଦ୍ୱିତୀୟ ବଡ଼ ଡ୍ରଗ୍ସ ସାମଗ୍ରୀ ଜବତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଗତ ଫେବ୍ରୁଆରି ୨୮ ତାରିଖରେ ଗୁଜରାଟ ଉପକୂଳରୁ ସନ୍ଦିଗ୍ଧ ପାକିସ୍ତାନୀ କ୍ରୁ ମେମ୍ବରଙ୍କ ଦ୍ୱାରା ପରିଚାଳିତ ଏକ ଡଙ୍ଗାରୁ ଅତି ୩ ହଜାର ୩୦୦ କେଜି ଡ୍ରଗ୍ସ ଜବତ କରାଯାଇଥିଲା । ଯାହାର ଅନ୍ତର୍ଜାତିକ ବଜାର ମୂଲ୍ୟ ୨ ହଜାର କୋଟି ଟଙ୍କାରୁ ଅଧିକ ଥିଲା । ଭାରତୀୟ ତଟରକ୍ଷୀ ବାହିନୀ ପୂର୍ବରୁ ସମୁଦ୍ରରେ ବିଭିନ୍ନ ଅପରେସନ କରି କୋଟି କୋଟି ଟଙ୍କାର ଡ୍ରଗ୍ସ ଜବତ କରିଛି ।