କନକ ବ୍ୟୁରୋ: ମଦ ନେଲା ୬ ଜୀବନ । ଭଦ୍ରକ ତିହିଡିରେ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ଚାନ୍ଦବାଲିରେ ୨ ଜଣଙ୍କ ମୃତ୍ୟୁ ହୋଇଛି । ଗୁରୁତର ଅବସ୍ଥାରେ ଭଦ୍ରକ ଡାକ୍ତରଖାନାରେ ୨୮ରୁ ଅଧିକ ଜଣଙ୍କୁ ଭର୍ତି କରାଯାଇଛି । ତେବେ ସେମାନଙ୍କ ମଧ୍ୟରୁ ୨ ଜଣଙ୍କ ଅବସ୍ଥା ଅଧିକ ଗୁରୁତର ହେବାରୁ ସେମାନଙ୍କୁ ଏସସିବି ସ୍ଥାନାନ୍ତର କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଗତକାଲି ରାତିରେ ତିହିଡି ଥାନା ଅନ୍ତର୍ଗତ ପିରାହାଟ ଦୌଲତପୁର ଗ୍ରାମରେ ବିଷାକ୍ତ ମଦ ପିଇଥିଲେ କିଛି ଲୋକ । ସେମାନଙ୍କ ମଧ୍ୟରୁ ରାମଚନ୍ଦ୍ର ପଢିଆରୀ, ସାଧୁଚରଣ ନାୟକ, ସର୍ବେଶ୍ୱର ଦାସ ଓ ଶଙ୍କର୍ଷଣ ଦାସଙ୍କ ମୃତ୍ୟୁ ହୋଇଛି । ୨୮ଜଣଙ୍କୁ ଗୁରୁତର ଅବସ୍ଥାରେ ଭଦ୍ରକ ଡାକ୍ତରଖାନାରେ ଭର୍ତ୍ତି କରାଯାଇଛି ।
ସେମାନଙ୍କ ମଧ୍ୟରୁ କୁନା ଜେନା, ବାଇଧର ନାୟକଙ୍କ ଅବସ୍ଥା ଅଧିକ ଗୁରୁତର ହେବାକୁ ସେମାନଙ୍କୁ ଏସସିବି ସ୍ଥାନାନ୍ତର କରାଯାଇଛି । ତେବେ ଭଦ୍ରକ ଜିଲ୍ଲାରେ ନିର୍ବାଚନ ବେଳେ ସମସ୍ତ ମଦ ଦୋକାନ ସିଲ୍ ଥିଲା । କିଏ କେଉଁଠାରୁ ଏହି ବିଷାକ୍ତ ମଦ ଆଣି ବିକ୍ରି କରିଛି ସେ ନେଇ ତଦନ୍ତ ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ ।