କନକ ବ୍ୟୁରୋ : ଆଗାମୀ ବିଧାନସଭା ନିର୍ବାଚନ ପୂର୍ବରୁ ୟୁପିରେ ସମାଜବାଦୀ ପାର୍ଟି ବିଏସପି ଓ ବିଜେପିକୁ ଜୋରଦାର ଝଟକା ଦେଇଛି । ବିଏସପିର ୬ ଜଣ ନିଲମ୍ବିତ ବିଧାୟକ ଓ ଜଣେ ବିଜେପି ବିଧାୟକ ଆଜି ସମାଜବାଦୀ ପାର୍ଟିରେ ସାମିଲ ହୋଇଛନ୍ତି । ଏହି ୭ ଜଣ ଯାକ ବିଧାୟକ ଅଖିଳେଶ ଯାଦବଙ୍କ ଉପସ୍ଥିତିରେ ଏସପିର ସଦସ୍ୟତା ଗ୍ରହଣ କରିଛନ୍ତି । ଏହି ଅବସରରେ ଅଖିଳେଶ କହିଛନ୍ତି କି ବିଜେପି ବିରୋଧରେ ଜନ ଅସନ୍ତୋଷର ଏହା ହେଉଛି ପ୍ରତିଫଳନ । ଆଗାମୀ ଦିନରେ ବିଜେପି ସଫା ହୋଇଯିବ ବୋଲି ଅଖିଳେଶ ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅଖିଳେଶ ଯୋଗୀଙ୍କୁ ଟାର୍ଗେଟ କରି କହିଛନ୍ତି କି ମୁଖ୍ୟମନ୍ତ୍ରୀ କହିଥିଲେ ଛାନ୍ସି ଓ ମଥୁରାରେ ମେଟ୍ରୋ ନିର୍ମାଣ ହେବ, କିନ୍ତୁ ତାହା ହୋଇନାହିଁ । କେବଳ ସମାଜବାଦୀ ସରକାର ସମୟରେ ଯେଉଁଠି ମେଟ୍ରୋ ନେଇ ଯୋଜନା ପାରିତ ହୋଇଥିଲା କେବଳ ସେହି ସହର ମାନଙ୍କରେ ଏବେ ମେଟ୍ରୋ ନିର୍ମାଣ କାର୍ଯ୍ୟ ଚାଲୁ ରହଛି ।
ଆଜି ଅଖିଳେଶଙ୍କ ସାଇକେଲ ଚଢିଥିବା ବିଧାୟକମାନେ ହେଲେ ଅସଲମ ରାହାନୀ, ଅସଲମ ଅଲ୍ଲୀ ଚୌଧୁରୀ, ମୁଜତବା ସିଦ୍ଦିକ୍, ହାକିମ୍ ଲାଲ ବିନ୍ଦ, ହରଗୋବିନ୍ଦ ଭାର୍ଗବ, ସୁଷମା ପଟେଲ ଓ ବିଜେପି ବିଧାୟକ ରାକେଶ ଠାକୁର ।
Lucknow: Six suspended BSP MLAs — Hargovind Bhargav, Mujtaba Siddiqui, Hakim Lal Bind, Aslam Raini, Sushma Patel, and Aslam Chaudhary and BJP MLA from Sitapur Sadar Rakesh Rathore today joined Samajwadi Party in presence of party president Akhilesh Yadav. pic.twitter.com/CTcM52n0BW
— ANI UP (@ANINewsUP) October 30, 2021
ଏହି ମିଶ୍ରଣ ପର୍ବରେ ଅଖିଳେଶ ଯୋଗ ଦେଇ କହିଛନ୍ତି କି ୨୦୧୭ ରେ ବିଜେପି ଯେଉଁ ଲୋକ କଲ୍ୟାଣ ସଂପର୍କ ପତ୍ର ପ୍ରସ୍ତୁତ କରିଥିଲା ତାହା ନିର୍ବାଚନରେ ଅଳିଆକୁ ବିଜେପି ଫିଙ୍ଗି ଦେଇଛି । ଏନେଇ ଲୋକମାନେ ଯେତେ ଭରଶା ବିଜେପି ଉପରେ କରିଥିଲେ ବିଜେପି ଲୋକମାନଙ୍କୁ ସେତିକି ଧୋକ୍କା ଦେଇଛି ।