ଦୂରହେବ ଅକ୍ସିଜେନ ଅଭାବ । ଦେଶର ନିର୍ମାଣ ହେବ ୫୫୧ଟି ଅକ୍ସିଜେନ ପ୍ଲାଣ୍ଟ । ବିନିଯୋଗ ହେବ ପ୍ରଧାନମନ୍ତ୍ରୀ କେୟାର୍ସ ଫଣ୍ଡ
କନକ ବ୍ୟୁରୋ : ଦେଶରେ ଦୃତ ଗତିରେ ବଢୁଥିବା କରୋନା ସଂକ୍ରମଣ ଭିତରେ ଅକ୍ସିଜେନର ଅଭାବକୁ ନେଇ ଏବେ ଚାରିଆଡେ ହାହାକାର । ଏହାକୁ ନଜରରେ ରଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପିଏମ କେୟାର ଫଣ୍ଡରୁ ସାରା ଦେଶର ୫୫୧ ଟି ଅକ୍ସିଜେନ ପ୍ଲାଣ୍ଟ ନିର୍ମାଣ କରିବାକୁ ନିଷ୍ପତ୍ତି ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ନିର୍ଦ୍ଦେଶ ଦେଇଛନ୍ତି କି ଖୁବଶୀଘ୍ର ଅକ୍ସିଜେନ ପ୍ଲାଣ୍ଟ ନିର୍ମାଣ କାମ ଆରମ୍ଭ କରାଯାଉ । ଫଳରେ ଜିଲ୍ଲାସ୍ତରରେ ଅକ୍ସିଜେନର ଆବଶ୍ୟକତା ପୁରଣ କରାଯାଇପାରିବ । ପ୍ରଧାନମନ୍ତ୍ରୀଙ୍କ ନିର୍ଦ୍ଦେଶ ମୁତାବକ ୫୫୧ ଟି ଜିଲ୍ଲା ମୁଖ୍ୟ ହସ୍ପିଟାଲ ନିକଟରେ ଏହି ପ୍ଲାଣ୍ଟ ନିର୍ମାଣ କରାଯିବ । ଯାହାଫଳରେ ଅକ୍ସିଜେନ ଯୋଗାଣ ନେଇ ଉପୁଜୁଥିବା ସମସ୍ୟା ଦେଖାଦେବ ନାହିଁ ।
In line with PM’s direction of boosting availability of oxygen to hospitals, PM CARES Fund has given in-principle approval for allocation of funds for installation of 551 dedicated Pressure Swing Adsorption Medical Oxygen Generation Plants inside public health facilities: PMO pic.twitter.com/CoaZnw4LbO
— ANI (@ANI) April 25, 2021
ଅନ୍ୟପଟେ ଏହାପୂର୍ବରୁ ଗୃହମନ୍ତ୍ରୀ ଅମିତ ଶାହା ଗାନ୍ଧୀନଗର ସଂସଦୀୟ କ୍ଷେତ୍ର କୋଲାବାଡା ଠାରେ ଥିବା ଏକ ଆର୍ୟୁବେଦିକ ମେଡିକାଲ ନିକଟରେ ପ୍ରତି ମିନିଟରେ ୨୮୦ ଲିଟର ଉତ୍ପାଦନ କ୍ଷମତା ଥିବା ଏକ ପ୍ରେସର ସ୍ୱିଂଗ ଅକ୍ସିଜେନ ପ୍ଲାଣ୍ଟର ଉଦଘାଟନ କରିସାରିଛନ୍ତି । ଏହି ଅବସରରେ ଗୃହମନ୍ତ୍ରୀ କହିଛନ୍ତି କି ପିଏମ କେୟାର ଫଣ୍ଡରୁ ଅକ୍ସିଜେନ ପ୍ଲାଣ୍ଟ ନିର୍ମାଣ ପାଇଁ ଯୋଜନା ହୋଇସାରିଛି । ଏହି କ୍ରମରେ ଗୁଜୁରାଟରେ ୧୧ ଟି ନୂଆ ପ୍ରେସର ସ୍ୱିଂଗ ଅକ୍ସିଜେନ ପ୍ଲାଣ୍ଟ ପାଇଁ ଯୋଜନା ରହିଥିବା ବେଳେ ସାରା ଦେଶରେ ୫୫୧ ଟି ଅକ୍ସିଜେନ ପ୍ଲାଣ୍ଟ ନିର୍ମାଣ କରାଯିବ ।