ଟଙ୍କା ସମସ୍ୟା ଦୂର କରିବା ପାଇଁ ୨୦୦୦ ଟଙ୍କିଆ ନୋଟ ଛପା ବନ୍ଦ ! ଏବେ ପ୍ରତିଦିନ ଛପା ଯାଉଛି ୩୦୦୦ କୋଟି ୫୦୦ ଟଙ୍କିଆ ନୋଟ
ସାରାଦେଶରେ ନଗଦ ଟଙ୍କାର ନିଅଣ୍ଟ ଓ ଏଟିଏମରୁ ଟଙ୍କା ବାହାରୁନଥିବା ଅଭିଯୋଗ ଭିତରେ ସାମ୍ନାକୁ ଆସିଛି କେନ୍ଦ୍ର ଅର୍ଥନୈତିକ ବ୍ୟାପାର ସଚିବଙ୍କ ସୂଚନା । ସଚିବ ସୁଭାଷ ଚନ୍ଦ୍ର ଗର୍ଗ କହିଛନ୍ତି, ନଗଦ ନୋଟର ନିଅଂଟିଆ ସ୍ଥିତି ଦୂର କରିବାକୁ ଛପା ଯାଉଛି ଅଧିକ ୫୦୦ ଟଙ୍କିଆ ନୋଟ୍ । ଏପରିକି ପ୍ରତିଦିନ ୩ହଜାର କୋଟି ଟଙ୍କାର ୫ଶହ ଟଙ୍କିଆ ନୂଆ ନୋଟ୍ ଛପା ଯାଉଥିବା ସେ ସୂଚନା ଦେଇଛନ୍ତି । ଏଥିସହ ୨ହଜାର ଟଙ୍କିଆ ନୋଟ୍ ଛପା ଯାଉନଥିବା କଥାକୁ ସେ ସ୍ୱୀକାର କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହାଛଡ଼ା ଗର୍ଗ କହିଛନ୍ତି, ପୂର୍ବ ସପ୍ତାହରେ ନିଅଣ୍ଟ ଟଙ୍କାକୁ ନେଇ ହୋଇଥିବା ଆକଳନରୁ ଜଣାପଡ଼ିଛି ଯେ, ଦେଶରେ ପ୍ରାୟ ୮୫ ପ୍ରିତଶତ ଏଟିଏମ କାମ କରୁଛି । ଏହାଛଡ଼ା ଏବେ ଦେଶରେ ମୋଟ ୭ ଲକ୍ଷ କୋଟିର ୨୦୦୦ ହଜାର ଟଙ୍କିଆ ନୋଟ ବଜାରରେ ମହଜୁଦ ରହିଛି । ଯାହାକି ପଯ୍ୟାପ୍ତ ପରିମାଣ ଠାରୁ ଅଧିକ । ଏହାଛଡ଼ା ନକଲି ନୋଟ କାରବାରକୁ ରୋକିବାକୁ ବଜାରକୁ ନୂଆ ଆସୁଥିବା ନୋଟର ସିକ୍ୟୁରିଟି ଫିଚର୍ସ ବଢ଼ାଯାଇଛି ।