କନକ ବ୍ୟୁରୋ : ଆସନ୍ତା ଶ୍ରୀଗୁଣ୍ଡିଚା ସମୟରେ ଶ୍ରୀମନ୍ଦିର କଳାହାଟ ଦ୍ୱାରର ହେବ ରୂପା ଛାଉଣୀ କାମ । ଏଥିପାଇଁ ନିଳାଦ୍ରୀ ଭକ୍ତ ନିବାସରେ ଥିବା ୫ କ୍ୱିଂଟାଲ ରୂପା ଜିଲ୍ଲାପାଳଙ୍କ ଅନୁମୋଦନ କ୍ରମେ ଜିଲ୍ଲା କୋଷାଗାରକୁ ସ୍ଥାନାନ୍ତର କରାଯାଇଛି । ୧୧ଟି ବାକ୍ସରେ ୫ କ୍ୱିଂଟାଲା ରୂପା ଜିଲ୍ଲା କୋଷାଗାରକୁ ସ୍ଥାନାନ୍ତର କରାଯାଇଛି । ସୁରକ୍ଷା ଦୃଷ୍ଟିରୁ ଏହି ରୂପାକୁ ସ୍ଥାନାନ୍ତର କରାଯାଇଛି । ଅନ୍ୟପଟେ ୭ଟି ଦ୍ୱାରର ରୂପା ଛାଉଣି କାମ ସରିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ରଥଯାତ୍ରା ସମୟରେ ହେବାକୁ ଥିବା କଳାହାଟ ଦ୍ୱାରର ରୂପାଛାଉଣି କାମ ଦ୍ୱାରା ନୀତିକାନ୍ତି ପ୍ରଭାବିତ ହେବ ନାହିଁ ବୋଲି କୁହାଯାଇଛି । ଏତେ ପରିମାଣର ରୂପାକୁ ୯ ରୁ ୧୦ ମାସ ଏକ ଅସ୍ଥାୟୀ ଷ୍ଟ୍ରଂଙ୍ଗ ରୁମ୍ରେ ରଖିବା ସୁରକ୍ଷିତ ନୁହେଁ ବୋଲି ଜିଲ୍ଲାପାଳଙ୍କୁ ଗତ ୨୪ ତାରିଖରେ ଚିଠି ଲେଖିଥିଲା ଶ୍ରମନ୍ଦିର ପ୍ରଶାସନ । ଚିଠି ମୁତାବକ ଜିଲ୍ଲାପାଳଙ୍କ ଅନୁମୋଦନ କ୍ରମେ ଏହକୁ ଜିଲ୍ଲା କୋଷାଗାରକୁ ସ୍ଥାନାନ୍ତର କରାଯାଇଛି । ଜଉମୁଦ ଦିଆଯାଇ ଜିଲ୍ଲା କୋଷାଗାରରେ ଏସବୁ ରୂପା ରଖାଯାଇଛି ।