ଚଳିତ ନିର୍ବାଚନ ଫଳାପଳ ଘୋଷଣା ହେବାରେ ୫ ଦିନ ହୋଇପାରେ ବିଳମ୍ବ : ଜାଣନ୍ତୁ କାହିଁକି ଏପରି କହିଲେ ନିର୍ବାଚନ ଆୟୋଗ
ନିର୍ବାଚନ ଫଳାଫଳ ଘୋଷଣା ୫ ଦିନ ବିଳମ୍ବ ହୋଇପାରେ
କନକ ବ୍ୟୁରୋ : ନିର୍ବାଚନ ତାରିଖ ଘୋଷଣା ହେବା ସହ କେବେ ନିର୍ବାଚନ ଫଳାଫଳ ପ୍ରକାଶ ହେବା ତାହା ମଧ୍ୟ ନିର୍ଦ୍ଧାରିତ ହୋଇସାରଛି । ତେବେ ଜାତୀୟ ଗଣମାଧ୍ୟମରୁ ମିଳିଥିବ ସୂଚନା ଅନୁସାରେ, ବିରୋଧୀ ଦଳଙ୍କ ଦ୍ୱାରା ଇଭିଏମ ଓ ଭିଭିପ୍ୟାଟ ପାର୍ଚାକୁ ମିଳାଇବା ୫୦ ପର୍ଯ୍ୟନ୍ତ ବଢାଇବା ଦାବିକୁ ପାଳନ କରାଗଲେ ନିର୍ବାଚନ ଫଳାଫଳ ଘୋଷଣା ୫ ଦିନ ବିଳମ୍ବ ହୋଇପାରେ ବୋଲି ନିର୍ବାଚନ ଆୟୋଗ ସର୍ବୋଚ୍ଚ ନ୍ୟାୟାଳୟକୁ ଅବଗତ କରାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ବିରୋଧୀ ଦଳ ଗୁଡିକ କୋର୍ଟରେ ଆବେଦନ କରି କହିଥିଲେ ଯେ, ୫୦ ପ୍ରତିଶତ ଭିଭିପ୍ୟାଟ ପାର୍ଚକୁ ମିଳିଯାଉ । ଏପରି କରାଗଲେ ନିର୍ବାଚନରେ ସୁଦ୍ଧତା ଆସିବ ବୋଲି ବିରୋଧୀମାନେ କହିଛନ୍ତି । ତେବେ ନିର୍ବାଚନ ଆୟୋଗ କହିଛନ୍ତି ଯେ, ଯଦି ଏପରି କରାଯାଏ ତେବେ ଫଳାଫଳ ଘୋଷଣା ହେବା ତାରିଖରେ ପରିବର୍ତନ ଆସିପାରେ ଏପରିକି ମେ ୨୩ ପରିବର୍ତେ ମେ ୨୮ରେ ଫଳ ପ୍ରକାଶ ପାଇପାରେ ବୋଲି ସେ କହିଛନ୍ତି ।
ଏହାସହ ନିର୍ବାଚନ ଆୟୋଗ କହିଛନ୍ତି ଯେ, ସ୍ୱୟଂଚାଳିତ ଭାବରେ ପାର୍ଚା ମିଳାଇବା ପାଇଁ କୌଣସି ସୁବିଧା ନାହିଁ । ଏହାସହ ଆୟୋଗ କହିଛନ୍ତି ଯେ, ଏପରି କରାଗଲେ ତାହା ଲାଗି ବଡ ଘରର ଆବଶ୍ୟକତା ରହିଛି ଏବଂ ଅଧିକ ସଂଖ୍ୟାରେ ଲୋକଙ୍କର ମଧ୍ୟ ଆବଶ୍ୟକତା ରହିଛି । ତେବେ ଏନେଇ କୌଣସି ନିଷ୍ପତ୍ତି ସରକାରଙ୍କ ପକ୍ଷରୁ ସ୍ପଷ୍ଟ କରାଯାଇନଥିବା ଜାତୀୟ ଗଣମାଧ୍ୟମରୁ ସୂଚନା ମିଳିଛି ।