କନକ ବ୍ୟୁରୋ : ପ୍ରେମ ପାଇଁ ଚୋରୀ କରିବା ଆଜିର ଯୁବ ସମାଜ ପାଇଁ କିଛି ବଡ କଥା ନୁହେଁ । ହେଲେ ଆପଣ ଏହି ଖବର ଦେଖିବା ପରେ ଆଶ୍ଚର୍ଯ୍ୟ ହେବେ କାରଣ ଜଣେ ଯୁବକଙ୍କ ୧୬ ଜଣ ପ୍ରେମିକା । ଆଉ ସେମାନଙ୍କ ଆବଶକତା ପୁରଣ କରିବାକତୁ କରିଛି ୫୦ ରୁ ଅଧିକ ଦାମି କାର ଚୋରୀ । ଏମିତି ଏକ ଖବର ଆସିଛି ଫରିଦା ବାଦରୁ । କାରଚୋରୀ ଅଭିଯୋଗରେ ଏହି ରସିକିଆ ପ୍ରେମିକକୁ ଗିରଫ୍ କରିଛି ଫରିଦାବାଦ୍ କ୍ରାଇମବ୍ରାଞ୍ଚ । ଗିରଫ୍ ହୋଇଥିବା ପ୍ରେମିକର ନାମ ସୌବିନ୍ ଓରଫ୍ ରାହୁଲ, ଓରଫ୍ ହେମନ୍ତ ଓ ଜାନୀ ।
ଖାଲି ଗାର୍ଲଫ୍ରେଣ୍ଡକୁ ନୁହେଁ ଗିରଫ୍ ହେବା ପରେ ବି ସେ ପୋଲିସକୁ ଚକମା ଦେଇଛନ୍ତି । ବିଭିନ୍ନ ନାମ ଓ ବିଭିନ୍ନ ଠିକଣା ଦେଇ ଝିଅ ମାନଙ୍କୁ ପଟାଉଥିବା ଏହି ଯୁବକ ଗିରଫ୍ ହେବା ପରେ ବି ପୋଲିସକୁ ବିଭିନ୍ନ ନାମ ଓ ଠିକଣା ଦେଇ ଚକମା ଦେଇଥିଲେ ।
ପୋଲିସର ସୂଚନା ମୁତାବକ ଏହି ଯୁବକ ଜଣକ କେବଳ ଦାମୀ କାର ଚୋରୀ କରୁଥିଲା । ଏହାକୁ ବିକ୍ରିକରି ସେ ରଖିଥିବା ୧୬ ଟି ପ୍ରେମିକାଙ୍କ ଅବଶ୍ୟକତା ପୁରଣ କରୁଥିଲା । ସେ କେବଳ ଫରିଦାବାଦ୍ ନୁହେଁ ଏନସିଆର ସହ ଦେଶର ବିଭିନ୍ନ ସ୍ଥାନରୁ ବିଏମଡବ୍ଲ୍ୟ ଓ ମର୍ସିଡିଜ୍ ଭଳି କାର ଚୋରୀ କରି ଅନ୍ୟ ରାଜ୍ୟକୁ ଫେରାର୍ ହୋଇଯାଉଥିଲା । ସେଠାରେ ତାକୁ ବିକି ଯେଉଁ ଟଙ୍କା ପାଉଥିଲା ତାହାକୁ ପ୍ରେମିକା ମାନଙ୍କ ପଛରେ ଉଡାଉଥିଲା ।
Kanak News is now on WhatsApp
Join and get latest news updates delivered to you via WhatsApp
ଏନେଇ ଏକ ଫରଚ୍ୟୁନ୍ କାର ଚୋରୀ ଅଭିଯୋଗରେ ୧ବର୍ଷ ପୂର୍ବରୁ ଥରେ ଦିଲ୍ଲୀ ପୋଲିସ ତାକୁ ଗିରଫ୍ କରିଥିଲା । ବିଚାର ପରେ ତାକୁ ଜେଲ୍ ଯିବାକୂୁ ବି ପଡିଥିଲା । ହେଲେ ଜେଲରୁ ବାହାରିବା ପରେ ସେ ପୁଣି ତା’ର ପୁରୁଣା କୌଶଳ ପ୍ରୟୋଗ କରି ବିଭିନ୍ନ ସ୍ଥାନରୁ କାର ଚୋରୀ ଆରମ୍ଭ କରିଦେଇଥିଲା । ଚଳିତ ବର୍ଷ ଅଗଷ୍ଟ ୩୧ ତାରିଖ ଦିନ ସେ ଫରିଦାବାଦରୁ ଏକ କାର ଚୋରୀ କରିଥିଲା । ଏନେଇ କାର ମାଲିକଙ୍କ ଅଭିଯୋଗ ପରେ ପୋଲିସ ତାକୁ ଗିରଫ୍ କରିଥିଲା । ଗିରଫ୍ ପରେ ସେ ନିଜେ ସ୍ୱିକାର କରିଛି କି ଗାଜିଆବାଦ, ଯୋଦ୍ଧପୁର, ଗୁରୁଗ୍ରାମ ଆଦି ସହରରୁ ଅନେକ ଦାମି କାର ଚୋରୀ କରି ବିକ୍ରି କରିଛି । ଏନେଇ କ୍ରାଇମବ୍ରାଞ୍ଚ ସେହି ସବୁ ସହରର ପୋଲିସ ମାନଙ୍କୁ ସୂଚନା ଦେଇଛି ।