ଓଡିଶାରେ ଲଜ୍ଜା ! ମ୍ୟାଜିକ ଦେଖାଇବା ଆଳରେ ଅଶ୍ଳୀଳ ଭିଡିଓ ଦେଖାଇ ୫ ବର୍ଷର କୁନି ଝିଅ ସହ ଦୁଷ୍କର୍ମ
କନକ ବ୍ୟୁରୋ : ମ୍ୟାଜିକ ଦେଖାଇବା ଆଳରେ ଅଶ୍ଳୀଳ ଭିଡିଓ ଦେଖାଇ ୫ ବର୍ଷର କୁନି ଝିଅ ସହ ଦୁଷ୍କର୍ମ ଉଦ୍ୟମ ଅଭିଯୋଗ । ଅଭାବନୀୟ ଖବର ଆସିଛି ମାଲକାନଗିରି ଜିଲ୍ଲାର ମୋଟୁ ଅଂଚଳରୁ । ଅଭିଯୋଗ ଅନୁସାରେ, ଦୁଇ କୁନି ଯାଆଁଳା ଭଉଣୀ ଝରଣାକୁ ଗାଧୋଇ ଯାଇଥିବା ବେଳେ ସେହି ଗାଁର ଜଣେ ଯୁକ୍ତ ୨ ପଢୁଥିବା ଛାତ୍ର ମ୍ୟାଜିକ ଦେଖାଇବା ଆଳରେ ପାଖକୁ ଡାକିଥିଲା । ସେମାନେ ରାଜି ନହେବାରୁ ମୋବାଇଲରେ ଅଶ୍ଲୀଳ ଭିଡିଓ ଦେଖାଇଥିଲା ଅଭିଯୁକ୍ତ । ଏହାପରେ ଜୋର ଜବରଦସ୍ତ କୁନି ଝିଅର ପୋଷାକ ଖୋଲି ଦୁଷ୍ମର୍ମ ଉଦ୍ୟମ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ଘଟଣା ପ୍ରଘଟ ହେବା ପରେ ଓଲଟା ପୀଡିତାଙ୍କ ବାପା ମାଙ୍କୁ ଆକ୍ରମଣ କରି ଥିଲେ ଅଭିଯୁକ୍ତର ପରିବାର ଲୋକେ । ଏପରିକି ମାଓବାଦୀଙ୍କୁ ଲଗାଇ ତାଙ୍କୁ ଦଣ୍ଡିତ କରିବେ ବୋଲି ମଧ୍ୟ ଅଭିଯୁକ୍ତଙ୍କ ପରିବାର ଲୋକେ ଧମକ ଦେଇଥିବା ଅଭିଯୋଗ ହୋଇଛି । ଏ ନେଇ ପୀଡିତା ନାବାଳିକାଙ୍କ ପରିବାର ଲୋକେ ମୋଟୁ ଥାନାରେ ଏତଲା ଦେଇଥିଲେ । ହେଲେ ମୋଟୁ ପୁଲିସ ଏତଲା ଦେବା ପରେ କୌଣସି କାର୍ଯ୍ୟାନୁଷ୍ଠାନ ନ ନେବାରୁ ଖସି ପଳାଇବାରେ ସଫଳ ହୋଇଥିଲା ଅଭିଯୁକ୍ତ ।
ଘଟଣାର ଏକ ସପ୍ତାହ ପରେ ପୀଡିତାଙ୍କ ବାପାମା ମାଲକାନଗିରି ଏସପିଙ୍କୁ ଗୁହାରି କରିବା ପରେ ଅଭିଯୁକ୍ତର ସମ୍ପର୍କୀୟଙ୍କୁ ମାଡ ମାରିବା ଅଭିଯୋଗରେ ଗିରଫ କରାଯାଇଛି । ତୁରନ୍ତ ମୁଖ୍ୟ ଅଭିଯୁକ୍ତକୁ ଗରିଫ କରି କଠୋର କାର୍ଯ୍ୟାନୁଷ୍ଠାନ ଲାଗି ଦାବି କରିଛନ୍ତି ସ୍ଥାନୀୟ ବାସିନ୍ଦା ।
ଏହା ସହ ଦେଖନ୍ତୁ ଏହି ଭିଡିଓ-