୨ ଦିନିଆ ରାୟଗଡା ଗସ୍ତରେ ଫାଇଭ-ଟି ସଚିବ। ବିଭିନ୍ନ ଉନ୍ନତିମୂଳକ କାର୍ଯ୍ୟର କଲେ ସମୀକ୍ଷା
କନକ ବ୍ୟୁରୋ: ଜିଲ୍ଲା ପରେ ଜିଲ୍ଲା ଗସ୍ତ କରୁଛନ୍ତି ଫାଇଭ-ଟି ସଚିବ । ୨ ଦିନିଆ ରାୟଗଡା ଜିଲ୍ଳା ଗ୍ରସ୍ତରେ ଆସିଛନ୍ତି ଭିକେ ପାଣ୍ଡିଆନ । ଗ୍ରସ୍ତର ଦ୍ୱିତୀୟ ଦିନରେ ପାଣ୍ଡିଆନ ପଦ୍ମପୁର ଓ ଗୁଣପୁର ବ୍ଳକ ବୁଲି ଦେଖିଥିଲେ । ପ୍ରଥମେ ସଚିବ ହେଲିକପ୍ଟର ଯୋଗେ ପଦ୍ମପୁର ବ୍ଲକ ଅଂଚଳ ବୁଲି ଦେଖିଥିଲେ । ସେଠାରେ ମରୀଚଗୁଡ଼ା ଠାରେ ଥିବା ଆଦିବାସୀଙ୍କ ଆରାଧ୍ୟ ଦେବତା ଅକ୍ଷର ବ୍ରହ୍ମ ପୀଠ ପରିଦର୍ଶନ କରି ପୀଠ ପରିସରରେ ଆୟୋଜିତ ଜନ ସାଧାରଣଙ୍କୁ ସମ୍ବୋଧନ କରିଛନ୍ତି । ଖୁବଶୀଘ୍ର ଏହି ପୀଠର ଉନ୍ନତୀକରଣ ହେବ ବୋଲି ପ୍ରତିଶ୍ରୁତି ଦେଇଛନ୍ତି ଫାଇଭ-ଟି ସଚିବ ।
Kanak News is now on WhatsApp
Join and get latest news updates delivered to you via WhatsApp
ପରେ ସଚିବ ଖିଲାମୁଣ୍ଡା ସ୍ଥିତ ମାର୍କେଟୟାଡ ପରିସରରେ ସ୍ଥାନୀୟ ଅଂଚଳର ସମସ୍ୟା ସଂପର୍କରେ ଚାଷୀଙ୍କ ସହ ଆଲୋଚନା କରିଛନ୍ତି । ଏହାପରେ ପାଣ୍ଡିଆନ ଗୁଣୁପୁର ବ୍ଲକ ଗ୍ରସ୍ଥ କରି ଶେଫାଳି ପାହାଡ ଉପରେ ଥିବା ଶୈବ ପୀଠରେ ବାବା ରାମେଶ୍ୱରଙ୍କୁ ଦର୍ଶନ କରିଛନ୍ତି । ମନ୍ଦିର କମିଟି ପକ୍ଷରୁ ସଚିବଙ୍କୁ ସ୍ୱାଗତ ସମ୍ବର୍ଦ୍ଧନା କରାଯାଇଥିଲା । ଏହାପରେ ଭି.କେ ପାଣ୍ଡିଆନ୍ ସ୍ଥାନୀୟ ତହସିଲ କାର୍ଯ୍ୟଳୟ ପଡ଼ିଆଠାରେ ଆୟୋଜିତ ସାଧାରଣ ସଭାରେ ଯୋଗ ଦେଇଥିଲେ । ସଚିବଙ୍କ ଗ୍ରସ୍ଥକୁ ଦୃଷ୍ଟିରେ ରଖି ପୋଲିସ ପ୍ରଶାସନ ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯିବା ସହ ଜିଲ୍ଳାର ବିଭିନ୍ନ ବିଭାଗର ଅଧିକାରୀମାନେ ମଧ୍ୟ ଉପସ୍ଥିତ ରହିଥିଲେ ।