କନକ ବ୍ୟୁରୋ: ମାଲକାନଗିରି ସୀମାରେ ରବିବାର ୫ ମାଓବାଦୀ ନିହତ ହୋଇଛନ୍ତି । ବିଶାଖାପାଟଣା ଜିଲ୍ଲା ମାଡିଗାମାଲ୍ଲି ଜଙ୍ଗଲରେ କମ୍ବିଂ ଅପରେସନ୍ ବେଳେ ଆନ୍ଧ୍ର ଗ୍ରେହାଉଣ୍ଡ ଗୁଳିରେ ୫ ମାଓବାଦୀ ଟଳି ପଡ଼ିଥିବା ସୂଚନା ମିଳିଛି। ଘଟଣାସ୍ଥଳରୁ ବିପୁଳ ପରିମାଣର ମାଓସାମଗ୍ରୀ, ଅସ୍ତ୍ରଶସ୍ତ୍ର ଓ ବିସ୍ଫୋରକ ସାମଗ୍ରୀ ଜବତ କରାଯାଇଥିବା ବେଳେ ୫ ମାଓବାଦୀଙ୍କ ମୃତଦେହ ବି ମିଳିଛି।
Kanak News is now on WhatsApp
Join and get latest news updates delivered to you via WhatsApp
କାଲିମେଳା ଥାନା ସୀମାରେ ମାଡିଗାମାଲ୍ଲି ଗାଁ ଅବସ୍ଥିତ। ଗାଁକୁ ଲାଗିଥିବା ମାଡିଗାମାଲ୍ଲି ଜଙ୍ଗଲରେ ଆଜି ଆନ୍ଧ୍ର ଗ୍ରେହାଉଣ୍ଡ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିଲା । ଆନ୍ଧ୍ର ଗ୍ରେହାଉଣ୍ଡ ଗୁଳିର ସାମ୍ନା ନକରି ପାରି ୫ ମାଓବାଦୀ ଘଟଣାସ୍ଥଳରେ ଟଳି ପଡ଼ିଥିବା ବେଳେ ଅନ୍ୟମାନେ ସେ ସ୍ଥାନ ଛାଡ଼ି ଚାଲି ଯାଇଥିଲେ। ଘଟଣାସ୍ଥଳରେ ଏବେ ବି ସର୍ଚ୍ଚ ଅପରେସନ୍ ଜାରି ରହିଛି।
ମାଲକାନଗିରି କାଲିମେଳାର ମାଡ଼ିଗାମାଲ୍ଲି ଜଙ୍ଗଲ । ଲାଲଗଡ଼ର ଏହି ଘଂଚ ଜଙ୍ଗଲ ଭିତରେ ଚାଲିଥିଲା ନକ୍ସଲ ଶିବିର । ଗୁଇନ୍ଦା ସୂତ୍ରରୁ ଖବର ପାଇ ଅନ୍ଧାର ରାତିରେ ଶିବିରକୁ ଘେରି ଯାଇଥିଲେ ସୁରକ୍ଷା ବାହିନୀ । ଭୋର ହେବା ମାତ୍ରେ ଡିଭିଏଫ୍, ଏସଓଜିଙ୍କ ସହ ଏବଂ ଆନ୍ଧ୍ର ଗ୍ରେହାଉଣ୍ଡ ଆରମ୍ଭ କରିଦେଲେ ମିଳିତ ଅପରେସନ୍ । ଏନକାଉଂଟର ଏତେ ଭୟଙ୍କର ଥିଲା ଯେ ତାକୁ ପ୍ରତିରୋଧ କରିବାକୁ ବାଟ ପାଇନଥିଲେ ମାଓବାଦୀ । ଚାରିପଟୁ ଗୁଳି ବର୍ଷା କରିଥିଲା ପୋଲିସ । ମାଓବାଦୀମାନେ କାଉଁଟର ଆଟାକ୍ କରିଥିଲେ ବି ଭାରି ପଡିଥିଲା ପୋଲିସର ଆକ୍ରମଣ । ଏନକାଉଁଟରରେ ଟଳି ପଡିଥିଲେ ୫ ନକ୍ସଲ ।