କନକ ବ୍ୟୁରୋ : ବିଲେଇ ପାଇଁ ଚାଲିଗଲା ୫ ଜୀବନ । ମହାରାଷ୍ଟ୍ର ଅହମ୍ମଦ ନଗରରେ ଘଟିଛି ଏଭଳି ଦୁଃଖଦ ଘଟଣା । ଏକ ବିରାଡି ଗୋବର ଗ୍ୟାସ ୍ ଚାମ୍ବରରେ ପଡ଼ିଯିବା ପରେ ଏହାକୁ ଉଦ୍ଧାର କରିବା ପାଇଁ ୬ ଜଣ ବ୍ୟକ୍ତି ଟାଙ୍କି ମଧ୍ୟକୁ ଯାଇଥିଲେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ତେବେ ଟାଙ୍କିରେ ଶ୍ୱାସରୁଦ୍ଧ ହେବାରୁ ୫ ଜଣଙ୍କ ମୃତ୍ୟୁ ହୋଇଛି । ଘଟଣା ଜଣାପଡ଼ିବା ପରେ ସ୍ଥାନୀୟ ଲୋକେ ପୋଲିସ ସହାୟତାରେ ଉଦ୍ଧାର ପାଇଁ ଉଦ୍ୟମ କରିଥିଲେ । କିନ୍ତୁ ସେତେବେଳକୁ ୫ଜଣଙ୍କ ମୃତ୍ୟୁ ହୋଇସାରିଥିଲା । ମୃତକ ହେଲେ ଗୋବିନ୍ଦ କାଲେ, ସନ୍ଦିପ ମାଣିକ କାଲେ, ଅନିଲ ବାପୁରାବ କାଲେ, ବିଶାଲ ଅନିଲ କାଲେ ଏବଂ ବାବାସାହେବ ପବାର । କେବଳ ଜଣେ ବ୍ୟକ୍ତି ଅଣ୍ଟାରେ ଦଉଡ଼ି ବାନ୍ଧି ଟାଙ୍କିକୁ ଯାଇଥିବା ବେଳେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଛି । ସ୍ୱାସ୍ଥ୍ୟାବସ୍ଥା ଗୁରୁତର ଥିବାରୁ ଡାକ୍ତରକାନାରେ ଚିକିତ୍ସା ଚାଲିଛି ।