କନକ ବ୍ୟୁରୋ: ହରିୟାଣା ରୋହତକ୍ ସ୍ଥିତ ପିଜିଆଇ ହସ୍ପିଟାଲରେ ଡାକ୍ତରମାନେ ଏକ ବିରଳ ଓ କଷ୍ଟସାଧ୍ୟ ଅସ୍ତ୍ରୋପଚାର କରି ଜଣେ ଯୁବକଙ୍କୁ ଛାତିରେ ପଶି ରହିଥିବା ୪୦ ଫୁଟ ଲମ୍ବର ଦୁଇଟି ଲୁହା ରଡ୍ ବାହାର କରିପାରିଛନ୍ତି । ଅପରେସନ୍ ପ୍ରକ୍ରିୟା ଦୀର୍ଘ ୫ ଘଣ୍ଟା ଧରି ଚାଲିଥିଲା । ସୋନିପତ୍ ଜିଲ୍ଲାର କରନ୍ ନାମକ ଜଣେ ଯୁବକ ମାର୍କେଟକୁ ବାଇକ୍ ଯୋଗେ ଯାଉଥିବାବେଳେ ସମ୍ମୁଖରେ ଯାଉଥିବା ଏକ ଲୁହାରଡ୍ ବୋଝେଇ ଟ୍ରକ୍ ସହ ଧକ୍କା ହୋଇଥିଲେ । ଫଳରେ ୪୦ ଫୁଟର ୨ଟି ରଡ୍ ତାଙ୍କ ଛାତିରେ ଫୁଟି ଭେଦ କରିଯାଇଥିଲା । ଗୁରୁତର ଅବସ୍ଥାରେ ତାଙ୍କୁ ପିଜିଆଇକୁ ଅଣାଯାଇଥିଲା । ଡାକ୍ତରମାନେ ପ୍ରଥମେ କଟର ସାହାଯ୍ୟରେ ରଡର ବାହାର ଅଂଶକୁ କାଟିବା ପରେ ଛାତି ଭିତରେ ରହିଥିବା ବାକି ରଡର ଅଂଶକୁ ଅପରେସନ୍ କରି ବାହାର କରିଥିଲେ । ଛାତିରୁ ୧୦ ଇଂଚର ରଡ ବାହାରିଥିଲା । ଅପରେସନ୍ ପରେ ଯୁବକ ଜଣକ ବିପଦ ମୁକ୍ତ ଥିବା ଡାକ୍ତର କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏବେ କିଛି ଦିନ ଡାକ୍ତରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ରହିବା ପରେ ସମ୍ପୂର୍ଣ୍ଣ ଭଲ ହେବା ପରେ ଯାଇ ଘରକୁ ଫେରିବେ ଯୁବକ । ପୁଅକୁ ଏପରି ଗୁରୁତର ଅବସ୍ଥାରୁ ଉଦ୍ଧାରି ଥିବାରୁ ସମ୍ପୃକ୍ତ ଡାକ୍ତରଙ୍କୁ କୃତଜ୍ଞତା ଜଣାଇଛନ୍ତି ଯୁବକଙ୍କ ବାପା ।