ଭାରତରେ ପ୍ରସ୍ତୁତ ହେଲା ୫କୋଟି କୋଭିସିଲ୍ଡ ଭ୍ୟାକସିନ୍ : ସିରମ୍ ଇନଷ୍ଟିଚ୍ୟୁଟ କହିଲା, ଗଚ୍ଛିତ ହୋଇ ରହିଛି ସମସ୍ତ ଟିକା; ପ୍ରସ୍ତୁତ ଟିକାରୁ ୫୦ ପ୍ରତିଶତ ଭାରତ ପାଇଁ ହେବ ବ୍ୟବହାର
କନକ ବ୍ୟୁରୋ : ଭାରତରେ ପ୍ରସ୍ତୁତ ହେଲା ୫ କୋଟି କୋଭିଡ ଭ୍ୟାକସିନ କୋଭିସିଲ୍ଡ । ଏନେଇ ସିରମ ଇନଷ୍ଟିଚ୍ୟୁଟ ପକ୍ଷରୁ ସୂଚନା ଦିଆଯାଇଛି । ସମସ୍ତ ଟିକା ଗଚ୍ଛିତ କରି ରଖାଯାଇଛି । ଏହାକୁ ଭାରତ ସରକାର ଅନୁମୋଦନ ଦେଲା ପରେ ପ୍ରସ୍ତୁତ ଟିକାରୁ ୫୦ପ୍ରତିଶତ ଭାରତ ପାଇଁ ବ୍ୟବହାର ହେବ ବୋଲି ସେରମ ଇନଷ୍ଟିଚ୍ୟୁଟ ସିଇଓ ଅଦର ପୁନାୱାଲା ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେ କହିଛନ୍ତି, ଜୁଲାଇ ୨୦୨୧ ସୁଦ୍ଧା ପ୍ରାୟ ୩୦ କୋଟି କୋଭିସିଲ୍ଡ ଡୋଜ ପ୍ରସ୍ତୁତ କରିବ ସିରମ ଇନଷ୍ଟିଚ୍ୟୁଟ । ଅକ୍ସଫୋର୍ଡ ବିଶ୍ୱବିଦ୍ୟାଳୟ ଓ ଆଷ୍ଟ୍ରାଜେନେକା ମିଳିତ ଭାବେ ଏହି ଟିକା ପ୍ରସ୍ତୁତ କରୁଛନ୍ତି । ଟିକା ପାଇଁ ଭାରତରେ ସିରମ ଇନଷ୍ଟିଚ୍ୟୁଟ ସହ ଚୁକ୍ତି କରିଛି ଅକ୍ସଫୋର୍ଡ ।