୫ଟି ବଜେଟ୍ : ଯାହା ଦେଶର ଭାଗ୍ୟ ବଦଳାଇ ଦେଲା; ସଂକ୍ଷେପରେ ତଥ୍ୟ
କନକ ବ୍ୟୁରୋ : ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଜି ୨୦୨୩-୨୪ ଆର୍ଥିକ ବର୍ଷ ପାଇଁ ବଜେଟ୍ ଉପସ୍ଥାପନ କରିବେ । ୨୦୨୪ ସାଧାରଣ ନିର୍ବାଚନ ପୂର୍ବରୁ ମୋଦୀ ସରକାରଙ୍କ ଏହାର ଶେଷ ପୂର୍ଣ୍ଣାଙ୍ଗ ବଜେଟ୍ ହେବ । ଆସନ୍ତାବର୍ଷ ସାଧାରଣ ନିର୍ବାଚନ ପୂର୍ବରୁ ଏହି ଶେଷ ପୂର୍ଣ୍ଣାଙ୍ଗ ବଜେଟ୍ ମାଧ୍ୟମରେ ସରକାର ସବୁବର୍ଗର ଲୋକଙ୍କ ଆଶାକୁ ପୂରଣ କରିବାକୁ ପ୍ରୟାସ କରିପାରନ୍ତି । କିନ୍ତୁ ପୂର୍ବରୁ ୫ଟି ବଜେଟ୍ ଉପସ୍ଥାପନ କରାଯାଇଥିଲା , ଯାହା ଦେଶର ଭାଗ୍ୟ ବଦଳାଇ ଦେଲା ।
Kanak News is now on WhatsApp
Join and get latest news updates delivered to you via WhatsApp
୧୯୯୧ ବଜେଟ୍
– ସ୍ୱାଧୀନତା ପରେ ସବୁଠାରୁ ଚର୍ଚ୍ଚିତ ଥିଲା ୧୯୯୧ ମସିହାର ବଜେଟ୍
– ତତ୍କାଳୀନ ଅର୍ଥମନ୍ତ୍ରୀ ମନମୋହନ ସିଂହ ଏହି ବଜେଟ୍ ଆଗତ କରିଥିଲେ
– ଦେଶରେ ଅର୍ଥନୈତିକ ଉଦାରିକରଣର ଧାରା ସୃଷ୍ଟି କଲା ଏହି ବଜେଟ୍
– ପ୍ରଥମଥର ଭାରତୀୟ ଶିଳ୍ପରେ ବିଦେଶୀ ପୁଞ୍ଜି ନିବେଶକୁ ଅନୁମତି ଦିଆଗଲା
– ବିଶ୍ୱ ସ୍ତରରେ ଭାରତୀୟ ଉଦ୍ୟୋଗର ପ୍ରତିଯୋଗିତା ପାଇଁ ବାଟ ଫିଟିଲା
– ଆମଦାନୀକୁ କମ୍ କରି ରପ୍ତାନୀ ଉପରେ ଅଧିକ ଗୁରୁତ୍ୱ ଦେଲା ଏହି ବଜେଟ୍
୧୯୯୭ ବଜେଟ୍
– ସେତେବେଳେ ଡ୍ରିମ୍ ବଜେଟ୍ ବୋଲି କହିଲେ ଜାତୀୟ ଗଣମାଧ୍ୟମ
– ରାଜନୈତିକ ଅସ୍ଥିରତା ସତ୍ୱେ ବଡ ଅର୍ଥନୈତିକ ସଂସ୍କାର ଘୋଷଣା ହେଲା
– ବେଜଟ୍ ଆଗତ କରିଥିଲେ ତତ୍କାଳୀନ ଅର୍ଥମନ୍ତ୍ରୀ ପି. ଚିଦାମ୍ବରମ୍
– ସର୍ବାଧିକ ଆୟକର ସୀମା ୪୦%ରୁ ୩୦%କୁ କମାଇ ଦିଆଗଲା
– ସ୍ୱଦେଶୀ କମ୍ପାନି ଉପରେ ଟିକସ ୪୦ରୁ କମାଇ ୩୫%କରାଗଲା
– ବିଦେଶୀ କମ୍ପାନି ଉପରେ ଟିକସ ୫୫%ରୁ କମି ୪୮% ହେଲା
– କର୍ପୋରେଟ୍ ଟିକସ ଉପରେ ସରଚାର୍ଜକୁ ସଂପୂର୍ଣ୍ଣ ଉଚ୍ଛେଦ କରାଗଲା
୧୯୮୬ ବଜେଟ୍
– ପରୋକ୍ଷ ଟିକସ ବ୍ୟବସ୍ଥାରେ ବଡ ସଂସ୍କାର ଆଣିଥିଲେ ଭିପି ସିଂହ
– ସେ ପ୍ରଥମଥର ପାଇଁ ଦେଶରେ ଲାଗୁକଲେ ଏମଓଡି ଭାଟ୍
– ମୋଡିଫାଏଡ୍ ଭାଲ୍ୟୁ ଆଡେଡ୍ ଟାକ୍ସ- ଏମଓଡି ଭାଟ୍
– ନିର୍ମାଣ କମ୍ପାନିକୁ କଂଚାମାଲ ବାବଦ ଆମଦାନୀ ଶୁଳ୍କରେ ମିଳିଲା ରିହାତି
– କଂଚାମାଲ ଉପରେ ଦେଇଥିବା ଆମଦାନୀ ଶୁଳ୍କକୁ ରିଅମ୍ବର୍ସ କରାଗଲା
– ଫଳରେ ଦ୍ୱୈତ ଟିକସରୁ ରକ୍ଷା ପାଇଲେ ନିର୍ମାଣ କମ୍ପାନି
– ଉପାଦନ ଉପରେ ଟିକସରେ ସ୍ୱଚ୍ଛତା ରହିଲା ଓ ନିର୍ମାଣ ଖର୍ଚ୍ଚ କମିଲା
୧୯୫୭ ବଜେଟ୍
– ପ୍ରଥମଥର ପାଇଁ ଦେଶରେ ଲାଗୁ ହେଲା ୱେଲ୍ଥ ଟାକ୍ସ
– ବଜେଟ୍ ଆଗତ କରିଥିଲେ ଅର୍ଥମନ୍ତ୍ରୀ ଟିଟି କ୍ରିଷ୍ଣମଚାରୀ
– ଦେଶରେ ୨୦୧୬ ଯାଏଁ ଆଦାୟ ହେଉଥିଲା ୱେଲ୍ଥ ଟାକ୍ସ
– ଆୟକର ବାଦ୍ ସଂପତ୍ତି ଟିକସ ବସାଇଥିଲେ କ୍ରିଷ୍ଣମଚାରୀ
୧୯୭୦ ବଜେଟ୍
– ଲୋକଙ୍କ ଉପରେ ଟିକସ ବୋଝ ପାଇଁ ଚର୍ଚ୍ଚାରେ ଥିଲା ଏହି ବଜେଟ୍
– ବଜେଟ୍ ଆଗତ କରିଥିଲେ ଅର୍ଥ ମନ୍ତ୍ରାଳୟ ପାଖରେ ରଖିଥିବା ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ
– ୨ ଲକ୍ଷ ଉପରେ ସମସ୍ତ ଆୟରେ ୧୧% ଟିକସ ବୃଦ୍ଧି କରିଥିଲେ ଇନ୍ଦିରା ଗାନ୍ଧୀ
– ପୂର୍ବରୁ ୮୨.୫% ଥିବା ଟିକସକୁ ଇନ୍ଦିରା ଗାନ୍ଧୀ ବଢାଇ ୯୩.୫% କରିଦେଲେ
– ଅଭିବୃଦ୍ଧି ହାସଲ ଓ କଲ୍ୟାଣକାରୀ କାର୍ଯ୍ୟକ୍ରମ ଚାଲୁ ରଖିବାକୁ ଏହା ଜରୁରୀ ଥିଲା