ଭାରତ-ଇଂଲଣ୍ଡ ଦ୍ୱିତୀୟ ଟେଷ୍ଟ: ଦ୍ୱିତୀୟ ଇଂନିସରେ ଅଶ୍ୱିନଙ୍କ ଦମଦାର ଶତକ । ଇଂଲଣ୍ଡକୁ ବିଜୟ ଲକ୍ଷ୍ୟ ୪୮୨ ।

287

କନକ ବ୍ୟୁରୋ: ଚେନ୍ନାଇ ଟେଷ୍ଟରେ ଚମକିଲେ ଅଶ୍ୱିନ । ବୋଲିଂ ପରେ ବ୍ୟାଟିଂରେ କଲେ କମାଲ । ବ୍ରିଟିଶ ବୋଲିଂକୁ ଖାତିର ନକରି ଆଜି ଚେନ୍ନାଇ ଟେଷ୍ଟରେ ଦମଦାର ଶତକ ଅର୍ଜନ କରିଛନ୍ତି ଭାରତୀୟ ଅଫ୍ ସ୍ପିନର ରବିଚନ୍ଦ୍ରନ ଅଶ୍ୱିନ । ଏଥିସହିତ ଦ୍ୱିତୀୟ ଇଂନିସରେ ଭାରତୀୟ ଦଳ ୨୮୬ ରନରେ ଅଲଆଉଟ୍ ହେବା ସହିତ ଇଂଲଣ୍ଡ ଦଳକୁ ବିଜୟ ପାଇଁ ୪୮୨ ରନର ଟାର୍ଗେଟ ଦେଇଛି ।

ସୋମବାର ଅଶ୍ୱିନଙ୍କ ଦମଦାର ୧୦୬ ରନର ଇଂନିସ ବଳରେ ଭାରତୀୟ ଦଳ ଦ୍ୱିତୀୟ ଇଂନିସରେ ୨୮୬ ରନ କରିପାରିଛି । ଅଧିନାୟକ ବିରାଟ କୋହଲି ଏଥିରେ ୬୨ ରନର ଉପଯାଗୀ ଇଂନିସ ଖେଳିଥିଲେ । ଯାହା ଫଳରେ ଟିମ୍ ଇଣ୍ଡିଆ, ବ୍ରିଟିଶ ଦଳକୁ ଏହି ବଡ ଟାର୍ଗେଟ ଦେଇପାରିଛି । ଇଂଲଣ୍ଡ ପକ୍ଷରୁ ଜ୍ୟାକ୍ ଲିଚ୍ ଓ ମୋଇନ୍ ଅଲ୍ଲୀ ପ୍ରତ୍ୟେକ ୪ଟି ଲେଖାଏଁ ୱିକେଟ୍ ନେଇଥିଲେ ।

ଭାରତ ପ୍ରଥମ ଇଂନିସରେ ୩୨୯ ରନ କରିଥିଲା । ଏହାପରେ ଇଂଲଣ୍ଡ କିନ୍ତୁ ମାତ୍ର ୧୩୪ ରନରେ ଅଲଆଉଟ୍ ହୋଇଯାଇଥିଲା । ଏବେ ଇଂଲଣ୍ଡକୁ ଏହି ମ୍ୟାଚ୍ ଜିତିବାକୁ ହେଲେ ୪୮୨ ରନର ଲକ୍ଷ୍ୟ ପୂରଣ କରିବାକୁ ହେବ । ସୂଚନାଯୋଗ୍ୟ ଯେ, ପ୍ରଥମ ଟେଷ୍ଟକୁ ଜିତି ଏହି ସିରିଜରେ ଇଂଲଣ୍ଡ ୧-୦ରେ ଆଗୁଆ ଅଛି ।

Comments are closed.