ବଜ୍ରାପାତରେ ଉତ୍ତରପ୍ରଦେଶରେ ୪୦ ଲୋକଙ୍କ ମୃତ୍ୟୁ । ରାଜସ୍ଥାନରେ ସେଲ୍ଫି ନେଉଥିବା ଅନେକ ଲୋକ ବି ମୃତାହତ
କନକ ବ୍ୟୁରୋ : ରବିବାର ଦିନ ଉତ୍ତରପ୍ରଦେଶ, ରାଜସ୍ଥାନ ସମେତ ଅନେକ ସ୍ଥାନରେ ଭୀଷଣ ବ୍ରଜାପାତ ଦେଖିବାକୁ ମିଳିଛି । ଉତ୍ତରପ୍ରଦେଶର ବିଭିନ୍ନ ସ୍ଥାନରେ ବଜ୍ରାପାତ କାରଣରୁ ୪୦ ଜଣ ଲୋକଙ୍କ ମୃତ୍ୟୁ ହୋଇଛି । କାନପୁର ଓ ତାର ଆଖପାଖ ଅଞ୍ଚଳରେ ୧୮ ଜଣଙ୍କର ମୃତ୍ୟୁ ହୋଇଥିବା ବେଳେ ପ୍ରୟାଗରାଜରେ ୧୪, କୌଶମ୍ବୀରେ ୪, ଅଗ୍ରାରେ ୩, ପ୍ରତାପଗଡ, ବାରଣାସୀ ଓ ରାୟବରେଲିରେ ଜଣେ ଲେଖାଏଁ ଲୋକଙ୍କର ମୃତ୍ୟୁ ହୋଇଛି । ଏହାସହ ଅନେକ ସ୍ଥାନରେ ପଶୁପକ୍ଷୀଙ୍କର ବି ମୃତ୍ୟୁ ହୋଇଛି । ମୃତକଙ୍କ ପରିଜନଙ୍କୁ ରାଜ୍ୟ ସରକାରଙ୍କ ପକ୍ଷରୁ ୪ ଲକ୍ଷ ଟଙ୍କା ଲେଖାଏଁ ସହାୟତା ଯୋଗାଇ ଦେବାକୁ ଘୋଷଣା କରିଛନ୍ତି । ସେହିଭଳି ରାଜସ୍ଥାନର ଏକ ମୋବାଇଲ ଟାୱାର ଉପରେ ଚଢି ସେଲ୍ଫି ନେଉଥିବା ବେଳେ ବଜ୍ରାପାତ ଘଟି ୮ ଜଣଙ୍କର ମୃତ୍ୟୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
The Prime Minister was briefed about the loss of lives and damages due to lightning in parts of Uttar Pradesh. An ex-gratia of Rs. 2 lakh each from PMNRF would be given to the next of kin of the deceased and Rs. 50,000 would be given to the injured.
— PMO India (@PMOIndia) July 12, 2021
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ଘଟଣାର ସଂପର୍କରେ ଅବଗତ ହେବା ପରେ ମୃତକଙ୍କ ପରିବାର ପ୍ରତି ସମବେଦନା ଜଣାଇବା ସହ ମୃତକଙ୍କ ପରିଜନଙ୍କୁ ୨ ଲକ୍ଷ ଆହତ ମାନଙ୍କୁ ଚିକିତ୍ସା ନିମନ୍ତେ ପ୍ରଧାନମନ୍ତ୍ରୀ ସହାୟତା ଫଣ୍ଡରୁ ୫୦ ହଜାର ଟଙ୍କାର ସହାୟତା ରାଶି ଘୋଷଣା କରିଛନ୍ତି ।
ବୈଜ୍ଞାନିକ ମାନଙ୍କ ମତରେ ଏହି ସମୟରେ ଆରବ ସାଗର ଓ ବଙ୍ଗଳାଦେଶ ପଟରୁ ମୌସୁମୀ ପବନ ଉତ୍ତର ଦିଗକୁ ବହୁଛି । ଟ୍ରାଫ୍ ଲାଇନର ଦୁଇ ପଟରୁ ବର୍ଷା ହେଉଛି । ଯେତେବେଳେ ଦୁଇ ପଟରୁ ଆସୁଥିବା ମୌସୁମୀ ପବନ ଉଭୟଙ୍କ ମଧ୍ୟରେ ମୁହାଁମୁହିଁ ହେଉଛି ସେତେବେଳେ ବିଜୁଳି ସୃଷ୍ଟି ହେଉଛି ।