କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ଗୁରୁତ୍ୱପୂର୍ଣ୍ଣ ସୂଚନା । ଟିକା ନେବା ପରେ କରୋନା ସଂକ୍ରମଣରେ ୪୭୫ ଜଣଙ୍କର ମୃତ୍ୟୁ
କନକ ବ୍ୟୁରୋ : ଦେଶରେ କରୋନା ସଂକ୍ରମଣର ଦ୍ୱିତୀୟ ଲହରି ଟିକେ କମିଥିବା ବେଳେ ସରକାରଙ୍କ ତରଫରୁ ଟିକାକରଣ ଅଭିଯାନକୁ ଯୋରଦାର କରିବାକୁ ପ୍ରୟାସ ଆରମ୍ଭ ହୋଇଛି । ହେଲେ ଟିକାକରଣ ପରେ ମେ ୨୮ ତାରିଖ ପର୍ଯ୍ୟନ୍ତ ୪୭୫ ଜଣ ଲୋକଙ୍କର ମୃତ୍ୟୁ ହୋଇଛି ବୋଲି କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ମିଳିଛି । ଏଭଳି ସୂଚନା ଏକ ମାମଲାରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ବମ୍ବେ ହାଇକୋର୍ଟଙ୍କ ନିକଟରେ ଦାଖଲ କରିଛନ୍ତି । ସରକାରଙ୍କ ତରଫରୁ ଦାଖଲ କରାଯାଇଥିବା ୧୪ ପୃଷ୍ଟା ବିଶିଷ୍ଟ ଏହି ଦସ୍ତାବିଜରେ କୁହାଯାଇଛି କି, ମେ ୨୮ ତାରିଖ ସୁଦ୍ଧା ଟିକା ନେଇଥିବା ଲୋକଙ୍କ ମଧ୍ୟରୁ ୪୭୫ ଜଣଙ୍କର ମୃତ୍ୟୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ସରକାର କୋର୍ଟକୁ କହିଛନ୍ତି କି ଘର ପାଖରେ ଟିକା ଦେବା ପରିବର୍ତ୍ତେ ଘର ଘର ବୋଲି ଟିକା ଦେବା ଭଲ । କରୋନା ପାଇଁ ଟିକାକରଣକୁ ନେଇ ରାଷ୍ଟ୍ରୀୟ ବିଶେଷଜ୍ଞ କମିଟି ପ୍ରଶାସନକୁ ହାଇକୋର୍ଟର ନିର୍ଦ୍ଦେଶ ଦେଖାଇଥିଲେ । ଯେଉଁ ନିର୍ଦ୍ଦେଶନାମାରେ ବୟସ୍କ ବ୍ୟକ୍ତି ଓ ଦିବ୍ୟାଙ୍ଗଙ୍କୁ ଘର ଘର ବୋଲି ଟିକା ଦେବାକୁ କୁହାଯାଇଥିଲା । ଏନେଇ ରାଷ୍ଟ୍ରୀୟ ବିଶେଷଜ୍ଞ କମିଟି ନିତୀ ଆୟୋଗ ସଦସ୍ୟ (ସ୍ୱାସ୍ଥ୍ୟ) ଡ. ବି.କେ ପାଲଙ୍କ ସହ ମେ ୨୫ ୨୦୨୧ ରେ ବୈଠକ କରିଥିଲେ ।
ସରକାର କୋର୍ଟରେ ଦାଖଲ କରିଥିବା ଦସ୍ତାବିଜରେ କହିଛନ୍ତି କି ଏହି ବୈଠକ ପରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ନିଅର ହୋମ କୋଭିଡ ଟିକାକରଣ କେନ୍ଦ୍ର ସହିତ ସମ୍ବୋନ୍ଧିତ ଏକ ଏସଓପି ପ୍ରସ୍ତୁତ କରିଛି । ଯାହାକୁ ୱେବସାଇଟ୍ ମାଧ୍ୟମରେ ପ୍ରକାଶ କରାଯାଇଛି ।
ଏନଇଜିଭିସି ନିଦ୍ଦେଶନାମାରେ କହିଛି କି ଘର ଘର ବୋଲି ଟିକାକରଣ ଅଭିଯାନର ଦାୟିତ୍ୱ ଜିଲ୍ଲା ଓ ସହରର ପ୍ରଶାସନ ନେବ । ଯେଉଁମାନେ ଟିକା ନେବେ ସେମାନେ କୋ ୱିନ୍ ଆପ କିମ୍ବା ଟିକାକରଣ ବେଳେ ପଞ୍ଜିକରଣ କରିପାରିବେ । ଏହାସହ ଆକସ୍ମିକ ଦୁର୍ଘଟଣା ପାଇଁ ଟିକାକରଣ କେନ୍ଦ୍ର ନିକଟରେ ଜରୁରୀ କାଳୀନ ବାହାନର ବ୍ୟବସ୍ଥା କରାଯିବା ଉଚିତ୍ ।