ସୁବର୍ଣ୍ଣପୁରରୁ ୪୭ କିଲୋ ଗଞ୍ଜେଇ ଜବତ, ୫ ଜଣଙ୍କୁ ଗିରଫ କଲା ଅବକାରୀ ବିଭାଗ

କନକ ବ୍ୟୁରୋ: ୪୭ କେଜି ଗଞ୍ଜେଇ ସହ ୫ଜଣ ଅଭିଯୁକ୍ତଙ୍କୁ ଗିରଫ କଲା ସୋନପୁର ଅବକାରୀ ବିଭାଗ । ଜିଲ୍ଲାର ବିଭିନ୍ନ ସ୍ଥାନରେ ଚଢ଼ାଉ କରି ଅବକାରୀ ବିଭାଗ ୪୭ କେଜି ଗଞ୍ଜେଇ ଜବତ କରିଛି । ବିନିକା ଅଂଚଳରେ ପାଟ୍ରୋଲିଂ ବେଳେ ଅବକାରୀ ଟିମ୍ ସଂସାମୁରା ଛକ ନିକଟରେ ଗଂଜେଇ ଚାଲାଣ ଅଭିଯୋଗରେ ଜଣଙ୍କୁ ଗିରଫ କରିବା ସହ ୯ କେଜି ଗଂଜେଇ ଜବତ କରିଥିଲା । ସେହିପରି ଉର୍ଲେ ଛକ ନିକଟରୁ ଜଣେ ବାଇକ ଆରୋହୀଙ୍କ ଠାରୁ ୮ କେଜି ଗଂଜେଇ ଜବତ କରି ଜଣଙ୍କୁ ଗିରଫ କରାଯାଇଛି ।

ସେହିପରି ସକାଳୁ ସକାଳୁ ଚେକିଂ ବେଳେ କାରରେ ଗଂଜେଇ ଚାଲାଣ କରୁଥିବା ୩ଜଣ ଅଭିଯୁକ୍ତଙ୍କ ସହ ୩୦ କେଜି ଗଂଜେଇ ଜବତ ହୋଇଛି । ଏନେଇ ସୂଚନା ଦେଇଛନ୍ତି ସୋନପୁର ଅବକାରୀ ଅଧିକ୍ଷକ । ତିନୋଟି ଘଟଣାରେ ୨ଟି ବାଇକ, ଗୋଟିଏ କାର ସହ ମୋଟ ୫ଜଣଙ୍କୁ ଗିରଫ କରିଛି ଅବକାରୀ ବିଭାଗ ।