କନକ ବ୍ୟୁରୋ: ପାନେ ପାଇବା ପରେ ଏବେ ଚୁପ ବସିଛି ପାକିସ୍ତାନ । ୨୬ ଫେବୃୟାରୀରେ ଭାରତ ଆକାଶମାର୍ଗରୁ ଅତର୍କିତ ଆକ୍ରମଣ କରିବା ପରେ ପାକିସ୍ତାନ ଛାତିରେ ଛନକା ପଶିଛି । ପୁଲୱାମା ଆକ୍ରମଣର ପ୍ରତିଶୋଧ ନେବାକୁ ବାଲକୋଟରେ ବୋମା ପକାଇ ଆତଙ୍କୀ କ୍ୟାମ୍ପ ଉଡାଇ ଦେବାପରେ କମିଛି ଅନୁପ୍ରବେଶ ।
Kanak News is now on WhatsApp
Join and get latest news updates delivered to you via WhatsApp
ବାଲାକୋଟରେ ବଦଲା ନେବାକୁ ଯାଇ ୩୦୦ରୁ ଅଧିକ ଆତଙ୍କବାଦୀଙ୍କୁ ନିପାତ କରିବା ପର ଠାରୁ ପାକିସ୍ତାନ ପଟୁ ଭାରତକୁ କମିଛି ଅନୁପ୍ରବେଶ । ପାକ୍ ପଟୁ ଅନୁପ୍ରବେଶ ମାତ୍ରା ୪୩ ପ୍ରତିଶତ କମ୍ ରହିଛି ।
ତେବେ ଭାରତୀୟ ସୁରକ୍ଷା ବାହିନୀ ଦ୍ୱାରା ଆରମ୍ଭ କରାଯାଇଥିବା ଆତଙ୍କବାଦୀ ନିରୋଧ କାର୍ଯ୍ୟକ୍ରମ ଦ୍ୱାରା ଜମ୍ମୁକଶ୍ମୀରରେ ସୁରକ୍ଷା ସ୍ଥିିତି ସୁଦୃଢ଼ ହୋଇଛି । ଆଉ ପାକିସ୍ତାନ ପଟୁ ଅନୁପ୍ରବେଶ କମିଛି ବୋଲି ଗୃହମନ୍ତ୍ରାଳୟ ପକ୍ଷରୁ ସଂସଦରେ ତଥ୍ୟ ପ୍ରଦାନ କରାଯାଇଛି । ସେପଟେ ଗୁଇନ୍ଦା ବିଭାଗର ସୂଚନା ଅନୁସାରେ ପାକିସ୍ତାନ ଏବେ ଏହାର ସାମରିକ ପ୍ରତିଷ୍ଠାନ ଗୁଡିକୁ ଅଧିକ ସୁଦୃଢ଼ କରୁଛି । ଭବିଷ୍ୟତରେ ଭାରତପଟୁ ଆକ୍ରମଣ ଭୟରେ ପାକିସ୍ତାନ ଏସବୁ ଉପରେ ଅଧିକ ଗୁରୁତ୍ୱ ଦେଉଛି ବୋଲି ଜଣାପଡିଛି ।