ଜୁନ ୨୫ ତାରିଖ ପର୍ଯ୍ୟନ୍ତ ଦେଶର ୪୦ କୋଟି ଲୋକଙ୍କର ହୋଇଛି କୋଭିଡ ଟେଷ୍ଟ । ଜୁନ ମାସରେ ଦୈନିକ ୧୮ ଲକ୍ଷ ଲୋକଙ୍କର ନିଆଯାଉଛି ନମୂନା
କନକ ବ୍ୟୁରୋ : ଦେଶରେ ଏବେ କରୋନା ସଂକ୍ରମଣର ଦ୍ୱିତୀୟ ଲହର କମିଆସିଥିବା ବେଳେ ବିଶେଷଜ୍ଞମାନେ ତୃତୀୟ ଲହର ନେଇ ସତର୍କ କରାଇଛନ୍ତି । ସ୍ୱାସ୍ଥ୍ୟ ବିଶେଷଜ୍ଞଙ୍କ ମତରେ କରୋନାର ଡେଲଟା ଭାରିଆଣ୍ଟ ତୃତୀୟ ଲହର ଆଣିବ ବୋଲି ଆଶଂକା କରାଯାଉଛି । ତୃତୀୟ ଲହରରୁ ଦେଶବାସୀଙ୍କୁ ରକ୍ଷା କରିବାକୁ ସରକାର ଜୋରଦାର ପ୍ରୟାସ ଆରମ୍ଭ କରିଛନ୍ତି । ଆଇସିଏମଆରର ତଥ୍ୟ ମୁତାବକ ଦେଶରେ ଜୁନ ୨୫ ତାରିଖ ପର୍ଯ୍ୟନ୍ତ ୪୦,୧୮,୧୧,୮୯୨ ଜଣଙ୍କର କୋଭିଡ ଟେଷ୍ଟ କରାଯାଇଛି । ଅନ୍ୟପଟେ କେବଳ ଜୁନ ମାସରେ ଦୈନିକ ୧୮ ଲକ୍ଷରୁ ଅଧିକ ନମୁନା ପରୀକ୍ଷା କରାଯାଉଥିବା ଆଇସିଏମଆର କହିଛି । ଏହାସହ ଜୁନ ୨୫ ତାରିଖ ପର୍ଯ୍ୟନ୍ତ ଦେଶରେ ପାଖା ପାଖି ୪ କୋଟି ଲୋକଙ୍କୁ ଟିକା ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ICMR has achieved the milestone of conducting 40 crores testing on 25th June, 2021. With average testing of more than 18 lakhs per day in the month of June, India has tested 40,18,11,892 samples across the country till 25th June 21: Indian Council of Medical Research (ICMR) pic.twitter.com/sewDaxMvA4
— ANI (@ANI) June 26, 2021
ବିଶ୍ୱ ସ୍ୱାସ୍ଥ୍ୟ ସଂଗଠନ ମୁଖ୍ୟ କହିଛନ୍ତି କି କରୋନାର ଡେଲଟା ଭାରିଆଣ୍ଟ ପ୍ରଥମେ ଭାରତରୁ ଚିହ୍ନଟ ହୋଇଛି । ଏହା କରୋନାର ପୂର୍ବ ଭାରିଆଣ୍ଟ ଠାରୁ ଅଧିକ ସଂକ୍ରାମକ । କରୋନାର ଏହି ଭାରିଆଣ୍ଟ ପ୍ରଥମେ ଭାରତରୁ ଚିହ୍ନଟ ହୋଇଥିଲେ ବି ଏବେ ଏହା ୮୫ ଟି ଦେଶରେ ଦେଖିବାକୁ ମିଳିଛି । ଡେଲଟା ଭାରିଆଣ୍ଟରେ ସବୁଠାରୁ ଅଧିକ ବାଂଲାଦେଶର ଲୋକମାନେ ସଂକ୍ରମିତ ହୋଇଛନ୍ତି । ହେଲେ ଦ୍ରୁତ ଟିକାକରଣ ମାଧ୍ୟମରେ ଏହି ଭୂତାଣୁକୁ ରୋକାଯାଇ ପାରିବ ବୋଲି କୁହାଯାଇଛି ।
ଅନ୍ୟପଟେ ଦେଶରେ ଡେଲଟା ଭାରିଆଣ୍ଟ ସଂକ୍ରମଣରେ ଜଣଙ୍କର ମୃତ୍ୟୁ ହେବା ପରେ କେନ୍ଦ୍ର ସରକାର ସଜାଗ ହୋଇଛନ୍ତି । ଏହି ଭାରିଆଣ୍ଟ କବଳରୁ ଲୋକମାନଙ୍କୁ ରକ୍ଷା କରିବାକୁ କ୍ୟାମ୍ପେନ ମୋଡରେ ଟିକାକରଣ କରାଯାଉଛି ।