ଜଗତସିଂହପୁରକୁ ଛୁଇଁଲା କରୋନା । ପ୍ରଥମ ଥର ପାଇଁ ଜିଲ୍ଲାରେ ୪ କରୋନା ଆକ୍ରାନ୍ତ ଚିହ୍ନଟ । ସମସ୍ତେ ସୁରତ ଫେରନ୍ତା । ୪ ଆକ୍ରାନ୍ତଙ୍କ ମଧ୍ୟରୁ ଗୋଟିଏ ପରିବାରର ୩ ପଜିଟିଭ
କନକ ବ୍ୟୁରୋ: କରୋନା ନେଇ ବର୍ତ୍ତମାନ ସମୟରେ ସବୁଠାରୁ ବଡ ଖବର । ରାଜ୍ୟରେ ଆଉ ୫ କରୋନା ଆକ୍ରାନ୍ତ ଚିହ୍ନଟ । ଜଗତସିଂହପୁରରେ ୪ ଏବଂ କେନ୍ଦ୍ରାପଡାରେ ଜଣେ ପଜିଟିଭ ଟିହ୍ନଟ । ସବୁଠାରୁ ବଡକଥା ହେଉଛି ଜଗତସିଂହପୁରକୁ ପ୍ରଥମ ଥର ପାଇଁ ଡେଇଁଲା କରୋନା । ଜିଲ୍ଲାକୁ ପ୍ରଥମ ଥର ପାଇଁ ଏକାଥରେ ୪ ଆକ୍ରାନ୍ତ ଚିହ୍ନଟ ହୋଇଛନ୍ତି । ସମସ୍ତ ୪ ଜଣ ନାଉଗାଁ ଅଞ୍ଚଳର । ସମସ୍ତେ ସୁରତ ଫେରନ୍ତା । ତେବେ ୪ ଜଣଙ୍କ ମଧ୍ୟରୁ ୩ ଜଣ ଗୋଟିଏ ପରିବାରର ସୂଚନା । ଆକ୍ରାନ୍ତଙ୍କ ମଧ୍ୟରେ ଜଣେ ୨୬, ୩୨, ୩୦, ୪୭ ବର୍ଷୀୟ ଯୁବକ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
4th Health Update, 6th May
Four positive cases in Jagatsinghpur
26 yr Male, 32 yr Male, 30 yr Male & 47 yr Male
(Surat returnees. In quarantine)One positive case in Kendrapara
60 yr Male
Kolkata returneeContact tracing & follow-up action is being done.
Total Case: 185
— I & PR Department, Odisha (@IPR_Odisha) May 6, 2020
ଅନ୍ୟପଟେ ଦୀର୍ଘ ଦିନ ପରେ ପୁଣି କେନ୍ଦ୍ରାପଡାରୁ ଜଣେ ପଜିଟିଭ ଚିହ୍ନଟ ହୋଇଛନ୍ତି । ୬୦ ବର୍ଷୀୟ ବ୍ୟକ୍ତି କୋଲକାତା ଫେରନ୍ତା । କେନ୍ଦ୍ରାପଡା କରୋନା ମୁକ୍ତ ଥିବା ବେଳେ ପୁଣି ଜଣେ ଆକ୍ରାନ୍ତ ଚିହ୍ନଟ । ତେବେ ବର୍ତ୍ତମାନ ୫ ଏବଂ ସକାଳେ ୪ ପଜିଟିଭ ଚିହ୍ନଟ ପରେ ମୋଟ ଆକ୍ରାନ୍ତଙ୍କ ସଂଖ୍ୟା ଗୋଟିଏ ଦିନରେ ୯ରେ ପହଞ୍ଚିଛି । ସକାଳେ ଗଞ୍ଜାମ-୧, ବାଲେଶ୍ୱର-୧, ଯାଜପୁର-୨ ଚିହ୍ନଟ ହୋଇଥିଲେ ।
ତେବେ ନୂଆ ୫ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ଏବେ ମୋଟ ପଜିଟିଭ ସଂଖ୍ୟା ୧୮୫କୁ ବୃଦ୍ଧି ପାଇଛି । ସେଥିମଧ୍ୟରୁ ୧୨୨ଟି ସକ୍ରିୟ କେସ୍ ଥିବାବେଳେ ୬୧ ଜଣ ସୁସ୍ଥ ହୋଇଛନ୍ତି । ଆଉ ୨ ଜଣଙ୍କର ମୃତ୍ୟୁ ହୋଇଛି ।