କନକ ବ୍ୟୁରୋ : ଆଜି ମୋଦୀଙ୍କ ତୃତୀୟ ପାଳି ଆରମ୍ଭ ହୋଇଛି । ଏହି କ୍ରମରେ ଆଜି ଏନଡିଏ ସରକାରରେ ପ୍ରଧାନମନ୍ତ୍ରୀ ଭାବେ ନରେନ୍ଦ୍ର ମୋଦୀ ତୃତୀୟ ଥର ଶପଥ ନେଇଛନ୍ତି । ହେଲେ ଏହି ଶପଥଗ୍ରହଣ ଉତ୍ସବରେ କିଛି ରୋଚକ ଚିତ୍ର ଦେଖିବାକୁ ମିଳିଛି । ପୂର୍ବରୁ ବିଭିନ୍ନ ଦଳରେ ରହି ମୁଖ୍ୟମନ୍ତ୍ରୀ ଥିବା ୪ ଜଣ ନେତା ଆଜି ମୋଦୀ କ୍ୟାବିନେଟରେ ମନ୍ତ୍ରୀଭାବେ ଶପଥ ନେଇଛନ୍ତି । ଆସନ୍ତୁ ସେମାନଙ୍କ ବାବଦରେ ଜାଣିବା
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଶିବରାଜସିଂ ଚୌହାନ
ସାରା ଦେଶରେ ମାମା ଭାବେ ପରିଚିତ ଶିବରାଜ ସିଂ ଚୌହାନ ମଧ୍ୟପ୍ରଦେଶର ମୁଖ୍ୟମନ୍ତ୍ରୀ ଭାବେ କାର୍ଯ୍ୟ କରିଛନ୍ତି । ସେ ମଧ୍ୟପ୍ରଦେଶରେ ୪ ଥର ମୁଖ୍ୟମନ୍ତ୍ରୀ ହୋଇଛନ୍ତି ।
ମନୋହରଲାଲ ଖଟ୍ଟର – ହରିଆଣାର ଚର୍ଚ୍ଚିତ ମୁଖ୍ୟମନ୍ତ୍ରୀ ମଧ୍ୟରେ ମନୋହରଲାଲ ଖଟ୍ଟର ଅନ୍ୟତମ । ସେ ହରିଆଣାରେ ୨ ଥର ମୁଖ୍ୟମନ୍ତ୍ରୀ ହୋଇଥିଲେ ।
ଜିତନରାମ ମାଞ୍ଝୀ : ବିହାରରେ ଆକସ୍ମିକ ଭାବେ ମୁଖ୍ୟମନ୍ତ୍ରୀ ହେବାରେ ଜିତନରାମ ମାଞ୍ଝୀ ଅନ୍ୟତମ । ଏକ ଛୋଟ ରାଜନୈତିକ ଦଳ ଗଠନ କରି ସର୍ବଦା ଲାଭ ସାଉଣ୍ଟୁଥିବା ନେତାଙ୍କ ମଧ୍ୟରେ ଜିତନ ରାମ ମାଞ୍ଝୀ ଅନ୍ୟତମ । ତାଙ୍କ ପାର୍ଟି ମାତ୍ର ଗୋଟିଏ ଲୋକସଭା ଆସନ ଜିତିଥିବା ବେଳେ ଚଳିତ ଥର ସେ ମୋଦୀ କ୍ୟାବିନେଟରେ ସ୍ଥାନ ପାଇଛନ୍ତି ।
ଏଚଡି କୁମାରସ୍ୱାମୀ: ପୂର୍ବତନ ପ୍ରଧାନମନ୍ତ୍ରୀ ଏଚଡି ଦେବେଗୌଡାଙ୍କ ପୁଅ ତଥା ଏବେର ଜେଡିଏସ ନେତା ଏଚଡି କୁମାର ସ୍ୱାମୀ କର୍ଣ୍ଣାଟକର ଦୁଇଦୁଇ ଥର ମୁଖ୍ୟମନ୍ତ୍ରୀ ଥିବା ଏଚଡି କୂୁମାର ସ୍ୱାମୀ ଆଜି ମୋଦୀଙ୍କ ମନ୍ତ୍ରୀମଣ୍ଡଳରେ କ୍ୟାବିନେଟ୍ ମନ୍ତ୍ରୀ ଭାବେ ଶପଥ ନେଇଛନ୍ତି ।