ଆସିଲା ୪ ଆକ୍ରାନ୍ତଙ୍କ ଗସ୍ତ ବିବରଣୀ: ପୁରୁଣା ସଂକ୍ରମିତଙ୍କ ପଡୋଶୀ ଥିଲେ ନାଲା ରୋଡର ଆକ୍ରାନ୍ତ; ବାହାରେ କ୍ରିକେଟ୍ ଖେଳିଥିଲେ ପିଲା, ନିୟମିତ ବ୍ୟାଙ୍କ ଯାଇଥିଲେ ଆକ୍ରାନ୍ତଙ୍କ ସ୍ୱାମୀ
ସୁନ୍ଦରଗଡରୁ ଫେରିଥିଲେ ଝାରୁସୁଗୁଡାର ୪୦ ବର୍ଷିୟା ମହିଳା: କୋଲକାତା ଫେରିବା ପରେ କେନ୍ଦୁଝର ଆକ୍ରାନ୍ତ ଯାଇଥିଲେ ହସପିଟାଲ
କନକ ବ୍ୟୁରୋ: ୪ ଆକ୍ରାନ୍ତଙ୍କ ଗସ୍ତ ବିବରଣୀ ଦେଲେ ରାଜ୍ୟ ସରକାର । କେସ୍ ନଂ ୧୬୦, ୧୬୧, ୧୬୨ ଓ ୧୬୩ ନମ୍ବର ଆକ୍ରାନ୍ତଙ୍କ ତଥ୍ୟ ଦେଇଛନ୍ତି ସରକାର । ୪ ଆକ୍ରାନ୍ତଙ୍କ ମଧ୍ୟରୁ ୨ ଜଣ ମହିଳା ଥିବା ବେଳେ ୨ଜଣ ପୁରୁଷ ରହିଛନ୍ତି । ଦୁଇଜଣ ପଶ୍ଚିମବଙ୍ଗ ଫେରନ୍ତା ହୋଇଥିବା ବେଳେ ଜଣେ ଝାରସୁଗୁଡ଼ା ଅନ୍ୟ ଜଣେ ରାଉରକେଲାର । ୧୬୦ ନମ୍ବର ଆକ୍ରାନ୍ତ ଝାରସୁଗୁଡ଼ା ଲଖନପୁରର ୪୦ବର୍ଷିୟ ମହିଳା । ୧୬୧ ନମ୍ବର ଆକ୍ରାନ୍ତ ବାଲେଶ୍ୱର ଖଇରାର ୩୪ ବର୍ଷିୟ ପୁରୁଷ । ସେହିପରି ୧୬୨ ନମ୍ବର ଆକ୍ରାନ୍ତ କେନ୍ଦୁଝର ହାଟଡ଼ିହିର ୩୦ବର୍ଷିୟ ପୁରୁଷ । ଏବଂ ୧୬୩ ନମ୍ବର ଆକ୍ରାନ୍ତ ରାଉରକେଲା ନାଲା ରୋଡ଼ର ୨୯ ବର୍ଷିୟ ମହିଳା ।
Kanak News is now on WhatsApp
Join and get latest news updates delivered to you via WhatsApp
୧୬୦ ନମ୍ବର ଆକ୍ରାନ୍ତଙ୍କ ଗସ୍ତ ବିବରଣୀ
୧୬୦ ନମ୍ବର କରୋନା ଆକ୍ରାନ୍ତ ହେଲେ ଝାରସୁଗୁଡାର ଲଖନପୁର ଅଂଚଳର ଜଣେ ୪୦ ବର୍ଷୀୟା ମହିଳା । ସେ ୨୨ ମାର୍ଚ୍ଚରୁ ୨୦ ଏପ୍ରିଲ ପର୍ଯ୍ୟନ୍ତ ନିଜ ଘରେ ରହିଥିଲେ । ଏହାପରେ ୨୧ରୁ ୨୪ ତାରିଖ ମଧ୍ୟରେ ସେ ବନ୍ଧପାଲିକୁ ସଂପର୍କିୟାଙ୍କ ବାଇକରେ ବସି ଯାଇଥିଲେ ଏବଂ ସେହି ଦିନ ସେ ଡିଏଚଏଚକୁ ମଧ୍ୟ ଯାଇଥିଲେ । ଏହାପରେ ସେ ୨ ଦିନ କାଳ ବନ୍ଧପାଲିରେ ଥିବା ତାଙ୍କର ଜଣେ ସଂପର୍କୀୟଙ୍କ ଘରେ ମଧ୍ୟ ରହିଥିଲେ । ଏହାପରେ ସେ ଘରକୁ ଆସି ସଂଗରୋଧରେ ରହିଥିଲେ । ୩ ମେ’ ରେ ତାଙ୍କର ସାମ୍ପୁଲ ଟେଷ୍ଟରେ କରୋନା ପଜିଟିଭ ବାହାରିଥିଲା ଏବଂ ୪ ମେ’ରେ ତାଙ୍କୁ ଝାରସୁଗୁଡାସ୍ଥିତ କୋଭିଡ ହସପିଟାଲରେ ଭର୍ତି କରାଯାଇଛି ।
୧୬୧ ନମ୍ବର ଆକ୍ରାନ୍ତଙ୍କ ଗସ୍ତ ବିବରଣୀ
୧୬୧ ନମ୍ବର ଆକ୍ରାନ୍ତ ଜଣକ ଜଣେ ୩୪ ବର୍ଷର ଯୁବକ ଏବଂ ସେ ବାଲେଶ୍ୱର ଜିଲ୍ଲାର ଖଇରା ଅଂଚଳର ବୋଲି ସ୍ପଷ୍ଟ କରିଛନ୍ତି ସରକାର । ଏବଂ ସେ କଲିକତା ଫେରନ୍ତା ବୋଲି ଜଣାପଡିଛି । ୨୦ ଏପ୍ରିଲ ଯୁବକ ଜଣକ କଲିକତାରୁ ଏକ ଟ୍ରକ ଯୋଗେ ବାଲେଶ୍ୱରରେ ପହଂଚିଥିଲେ ଏବଂ ଏହାପରେ ସେ ଚାଲି ଚାଲି ବାହାଙ୍ଗା ଯାଇଥିଲେ । ଏଠାରୁ ସେ ଏକ ବାଇକରେ ସୋରୋ ଯାଇଥିଲେ ଏବଂ ଏଠାରେ ସେ ରାଟିନା ଚାଲି ଚାଲି ଯାଇଥିଲେ । ଏହାପରେ ୨୧ ଏପ୍ରିଲରୁ ୩ ମେ ଯାଏଁ ସରକାରଙ୍କ ଦ୍ୱାରା ପରିଚାଲିତ କ୍ୱାରେଂଟିନ ସେଂଟରରେ ରହିଥିଲେ । ମେ ୩ ତାରିଖରେ ତାଙ୍କର କରୋନା ପଜିଟିଭ ବାହାରିଥିଲା ଏବଂ ତାଙ୍କ କଟକସ୍ଥିତ ଅଶ୍ୱିନି କୋଭିଡ୍ ହସ୍ପିଟାଲରେ ଭର୍ତ୍ତି କରାଯାଇଥିଲା ।
୧୬୨ ନମ୍ବର ଆକ୍ରାନ୍ତଙ୍କ ଗସ୍ତ ବିବରଣୀ
୧୬୨ ନମ୍ବର ଆକ୍ରାନ୍ତ କେନ୍ଦୁଝର ହାଟଡ଼ିହିର ୩୦ବର୍ଷିୟ ପୁରୁଷ । ସେ ମଧ୍ୟ ଜଣେ କଲିକତା ଫେରନ୍ତା ବୋଲି ସ୍ପଷ୍ଟ କରିଛନ୍ତି ସରକାର । ତେବେ ୨୬ରୁ ୨୭ ମାର୍ଚ୍ଚ ମଧ୍ୟରେ ସେ ଏକ ଟ୍ରକରେ କଲିକତାରୁ ଆସି ଭଦ୍ରକରେ ପହଂଚିଥିଲେ । ଏଠାରୁ ସେ ଆନନ୍ଦପୁର ଭାୟା ମୋରେଇଗାଁ, ଛେନାପଡିକୁ ବାଇକ୍ ଏବଂ ଚାଲି ଚାଲି ଯାଇଥିଲେ । ଏହାପରେ ୨୭ ମାର୍ଚ୍ଚରେ ସେ ଆନନ୍ଦପୁର ଯାଇଥିଲେ । ୨୭ ମାର୍ଚ୍ଚରୁ ମେ ୩ ତାରିଖ ଯାଏ ଘରେ ରହିଥିଲେ । ଏହାପରେ ତାଙ୍କର କରୋନା ପଜିଟିଭ ବାହାରିଥିଲା । ତାଙ୍କୁ ଅଶ୍ୱିନ କୋଭିଡ ହସ୍ପିଟାଲରେ ରଖାଯାଇଛି ।
୧୬୩ ନମ୍ବର ଆକ୍ରାନ୍ତଙ୍କ ଗସ୍ତ ବିବରଣୀ
୧୬୩ ନମ୍ବର ଆକ୍ରାନ୍ତ ରାଉରକେଲା ନାଲା ରୋଡ଼ର ୨୯ ବର୍ଷିୟ ମହିଳା । ସେ ପୁରୁଣ ଆକ୍ରନ୍ତଙ୍କ ସଂସ୍ପର୍ଶରେ ଆସି ସଂକ୍ରମିତ ହୋଇଥିବା ସ୍ପଷ୍ଟ କରିଛି ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ । ତେବେ ସଂକ୍ରମିତ ମହିଳା ଜଣକ ନିଜ ଘରେ ରହିଥିଲେ ସତ ହେଲେ ତାଙ୍କ ପିଲା ବାରମ୍ବାର ବାହାରକୁ କ୍ରିକେଟ୍ ଖେଳିବାକୁ ବାହାରକୁ ଯାଉଥିଲେ ଏବଂ ତାଙ୍କ ସ୍ୱାମୀ ରେଗୁଲାର ବ୍ୟାଙ୍କ ଯାଇଥିଲେ । ତେବେ ସର୍ଭିଲାନ୍ସ ଜୋନରେ ଆସୁଥିବାରୁ ତାଙ୍କର କରୋନା ଟେଷ୍ଟିଂ କରାଯାଇଥିଲା ଏବଂ ଏଥିରେ ତାଙ୍କର ରିପୋର୍ଟ ପଜିଟିଭ୍ ବାହାରିଥିଲା । ଏବେ ତାଙ୍କୁ ରାଉରକେଲା ସ୍ଥିତ ହାଇ-ଟେକ୍ କୋଭିଡ୍ ହସ୍ପିଟାଲରେ ଭର୍ତି କରାଯାଇଛି ।