କନକ ବ୍ୟୁରୋ: ଖୋଲିବ ଖୋର୍ଦ୍ଧା ସହରରେ ବ୍ରାଉନସୁଗାର ବ୍ୟବସାୟର ନେଟୱର୍କ । ବିଶେଷକରି ଜେଲ୍ ଭିତରୁ କିପରି ବ୍ରାଉନସୁଗାର ବ୍ୟବସାୟ ଅପରେଟ୍ ହେଉଛି, ତାର ଖିଅ ଖୋଜିବା ଆରମ୍ଭ କରିଛି ପୋଲିସ୍ । ଖୋର୍ଦ୍ଧା ଆଦର୍ଶ ଥାନା ପୋଲିସ୍ ୪ ଅଭିଯୁକ୍ତଙ୍କୁ ରିମାଣ୍ଡରେ ନେଇଛି । ୫ ଦିନ ରିମାଣ୍ଡ ପାଇଁ ପୋଲିସ୍ ଆବେଦନ କରିଥିବା ବେଳେ ଏଡିଜେ କୋର୍ଟ ଦୁଇ ଦିନିଆ ରିମାଣ୍ଡ ଅନୁମତି ଦେଇଛନ୍ତି । ଖୋର୍ଦ୍ଧା ଜେଲରୁ କିପରି ହେଉଥିଲା ନିଶା କାରବାର ଅପରେଟ୍, କିଏ କିଏ ଏଥିରେ ସମ୍ପୃକ୍ତ ଅଛନ୍ତି, ଏସବୁ ଦିଗ ଉପର ଖୋଳତାଡ଼ କରୁଛି ପୋଲିସ୍ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଜେଲ ଭିତରକୁ ମୋବାଇଲ ଯିବା ଉପରେ ରୋକ ଥିବା ସତ୍ୱେ, ଜେଲ ଭିତରୁ ବ୍ରାଉନସୁଗାର ଡିଲ କରଥିଲା ମିକି ଓରଫ ମନୋରଞ୍ଜନ ସାହୁ । ଗତମାସ ୯ ତାରିଖରେ ଖୋର୍ଦ୍ଧା ଜେଲ ଅଧୀକ୍ଷକ ଆଦର୍ଶ ଥାନାକୁ ଜଣାଇବା ପରେ ଏକଥା ପ୍ରଘଟ ହୋଇଥିଲା । ପୋଲିସ୍ ଏହି ଘଟଣାରେ ଖୋର୍ଦ୍ଧା ଭଲିଆବାଡ଼ିର ସଂଜୟ ପ୍ରଧାନ, ଲକ୍ଷ୍ମୀଧର ସାହୁ, ଏସ୍ କେ ଜାଫର, ସସ୍ମିତା ପ୍ରଧାନ, ଅଭିଜିତ ସାମନ୍ତରାୟ, ସୁରଜ ଦଳବେହେରା ଓ ତାପସ କୁମାର ସ୍ୱାଇଁଙ୍କ ଠାରୁ ୨୬୨ ଗ୍ରାମ ବ୍ରାଉନସୁଗାର ଜବତ କରିବା ସହ ସେମାନଙ୍କୁ ଗିରଫ କରିଥିଲା । ଗତ ଅଢ଼େଇ ବର୍ଷରେ ଖୋର୍ଦ୍ଧା ଜେଲରୁ ୧୫ଟି ମୋବାଇଲ ଜବତ ହୋଇଛି ।