୩୧ ତମ ରାଜ୍ୟ ଚଳଚ୍ଚିତ୍ର ପୁରସ୍କାର ତଥା ୮ମ ରାଜ୍ୟ ଟେଲି ପୁରସ୍କାର ଘୋଷଣା । ପଢନ୍ତୁ, କିଏ ପାଇଲେ କେଉଁ ପୁରସ୍କାର
କନକ ବ୍ୟୁରୋ: ୩୧ ତମ ରାଜ୍ୟ ଚଳଚ୍ଚିତ୍ର ପୁରସ୍କାର ତଥା ୮ମ ରାଜ୍ୟ ଟେଲି ପୁରସ୍କାର ଘୋଷଣା ହୋଇଛି । ଯେଉଁଥିରେ ୨୭ଟି ବିଭାଗରେ ଚଳଚ୍ଚିତ୍ର ପୁରସ୍କାର ଦିଆଯିବା ସହିତ ୨୦ଟି ବିଭାଗରେ ଟେଲି ପୁରସ୍କାର ପ୍ରଦାନ କରାଯାଇଛି । ତେବେ ୨୦୧୯ ବର୍ଷ ପାଇଁ ଘନଶ୍ୟାମ ମହାପାତ୍ର ପାଇବେ ଜୟଦେବ ସମ୍ମାନ । ୨ ଲକ୍ଷ ଟଙ୍କା ପୁରସ୍କାର ରାଶି ସହିତ ତାଙ୍କୁ ମାନପତ୍ର ଦେଇ ସମ୍ମାନିତ କରାଯିବ ।
Kanak News is now on WhatsApp
Join and get latest news updates delivered to you via WhatsApp
୩୧ ତମ ରାଜ୍ୟ ଚଳଚ୍ଚିତ୍ର ପୁରସ୍କାରରେ ନୀଳମାଧବ ପଣ୍ଡାଙ୍କ ପ୍ରଯୋଜିତ କାଲିର ଅତୀତ ଫିଲ୍ମକୁ ଶ୍ରେଷ୍ଠ ଚଳଚ୍ଚିତ୍ର ଘୋଷଣା କରାଯାଇଛି । ଏହା ସହିତ ନୀଳମାଧବ ପଣ୍ଡା ଶ୍ରେଷ୍ଠ ନିର୍ଦ୍ଦେଶକ ଭାବେ ମଧ୍ୟ ମନୋନୀତି ହୋଇଛନ୍ତି । ସେହିପରି ସରୋଜ ପରିଡାଙ୍କୁ ଶ୍ରେଷ୍ଠ ଅଭିନେତା ଓ କାବ୍ୟା କିରଣଙ୍କୁ ଶ୍ରେଷ୍ଠ ଅଭିନେତ୍ରୀ ଭାବେ ଏବଂ କପିଳେଶ୍ୱର ପ୍ରସାଦ ମହାପାତ୍ରଙ୍କୁ ଶଲାବୁଢାର କାହାଣୀ ପାଇଁ ଶ୍ରେଷ୍ଠ କାହାଣୀ ପୁରସ୍କାର ଘୋଷଣା କରାଯାଇଛି । ସେହିପରି ସ୍ୱୟମ୍ ପାଢୀ ଶ୍ରେଷ୍ଠ ପ୍ରଚ୍ଛଦପଟ ଗାୟକ ଓ ଦୀପ୍ତିରେଖା ପାଢୀ ଶ୍ରେଷ୍ଠ ପ୍ରଚ୍ଛଦପଟ ଗାୟିକା ମନୋନୀତ ହୋଇଛନ୍ତି ।
୮ମ ରାଜ୍ୟ ଟେଲି ପୁରସ୍କାର ଘୋଷିତ
କାଳିଆ କରୁଛି ଲୀଳା ଶ୍ରେଷ୍ଠ ଟେଲି ଫିଲ୍ମ#Odisha #KanakNews pic.twitter.com/vfUKWmbieu— Kanak News (@kanak_news) November 5, 2021
ଅନ୍ୟପଟେ କାଳିଆ କରୁଛି ଲୀଲାକୁ ଶ୍ରେଷ୍ଠ ଟେଲି ଫିଲ୍ମ ଭାବେ ମନୋନୀତ କରାଯାଇଛି । ତାସହିତ ସରଗମକୁ ଶ୍ରେଷ୍ଠ ଟେଲି ସିରିଏଲ, ଚଣ୍ଡୀ ପରିଜାଙ୍କୁ ଶ୍ରେଷ୍ଠ ଟେଲି ନିର୍ଦ୍ଦେଶକ ଭାବେ ଘୋଷଣା କରାଯାଇଛି । ଦେବାଶିଷ ପାତ୍ରଙ୍କୁ କାଳିଆ କରୁଛି ଲୀଳା ପାଇଁ ଶ୍ରେଷ୍ଠ ଅଭିନେତା, ଲିପ୍ସା ମିଶ୍ରଙ୍କୁ ଶ୍ରେଷ୍ଠ ଟେଲି ଅଭିନେତ୍ରୀ ଭାବେ ଘୋଷଣା କରାଯାଇଛି ।