କନକ ବ୍ୟୁରୋ : ଉତ୍ତରାଖଣ୍ଡ ଗସ୍ତରେ ଅଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ୍ ଆଦମୀ ପାର୍ଟିର ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜ୍ରିୱାଲ । ଏହି ଅବସରରେ ଏକ ସାମ୍ବାଦିକ ସମ୍ମିଳନୀରେ କେଜ୍ରିୱାଲ ଘୋଷଣା କରିଛନ୍ତି କି ଯଦି ୨୦୨୨ ରେ ଉତ୍ତରାଖଣ୍ଡରେ ଆପ୍ ର ସରକାର ଆସେ ତେବେ ରାଜ୍ୟରେ ସମସ୍ତଙ୍କୁ ୩୦୦ ୟୁନିଟ୍ ପର୍ଯ୍ୟନ୍ତ ମାଗଣା ବିଜୁଳି ଯୋଗାଇ ଦିଆଯିବ । କେବଳ ସେତିକି ନୁହେଁ କୃଷକଙ୍କୁ ପୁରା ମାଗଣା ବିଜୁଳି ସହ ପୁରୁଣା ବିଜୁଳି ବକେୟା ଛାଡ ଦିଲ୍ଲୀ ଭାଳି ଉତ୍ତରାଖଣ୍ଡରେ ବିଜୁଳି କାଟ ଉପରେ ରୋକ ଲାଗିବ ବୋଲି କେଜ୍ରିୱାଲ ନିର୍ବାଚନୀ ପ୍ରତିଶ୍ରୁତି ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଡେରାଡୁନ ଠାରେ ଏକ ସାମ୍ବାଦିକ ସମ୍ମିଳନୀରେ କେଜ୍ରିୱାଲ ଉଭୟ ବିଜେପି ଓ କଂଗ୍ରେସକୁ ଟାର୍ଗେଟ୍ କରିଛନ୍ତି । ସେ କହିଛନ୍ତି କି ଦୁଇଟି ଚଳିରେ ଗହମ ପେଶି ହେବା ଭଳି ଉତ୍ତରାଖଣ୍ଡର ଜନତା ଦୁଇଟି ରାଜନୈତିକ ଦଳର ଶାସନ କାଳରେ ପେଶି ହୋଇଯାଇଛନ୍ତି । ବିଜେପିକୁ ଟାର୍ଗେଟ କରି କହିଛନ୍ତି କି କ୍ଷମତାରେ ଥିବା ଦଳ ପାଖରେ ମୁଖ୍ୟମନ୍ତ୍ରୀ ପ୍ରାର୍ଥୀ ନାହାନ୍ତି ତେଣୁ ପାଳି କରି ଜଣେ ପରେ ଜଣେ ମୁଖ୍ୟମନ୍ତ୍ରୀ ପଦ ସମ୍ଭାଳୁଛନ୍ତି ।
In terms of electricity, I guarantee four things. After our govt is made, we will provide 300 units free electricity. Farmers will receive free electricity. Old bills will be waived off. It will take some time to provide 24-hour electricity, but we will do it: Arvind Kejriwal
— ANI (@ANI) July 11, 2021
ଅନ୍ୟପଟେ କ୍ଷମତାରେ ଥିବା ସରକାରକୁ ଟାର୍ଗେଟ କରି କହିଛନ୍ତି କି ଉତ୍ତରାଖଣ୍ଡ ରାଜ୍ୟରେ ପ୍ରବଳ ବିଜୁଳି ଉତ୍ପଦନ କରାଯାଉଛି । ରାଜ୍ୟ ବି ଅନ୍ୟ ରାଜ୍ୟ ମାନଙ୍କୁ ବିଜୁଳି ବିକୁଛି । ହେଲେ ନିଜ ରାଜ୍ୟର ଲୋକଙ୍କୁ ଏତେ ଚଢାଦରରେ ବିଜୁଳି ବିକି ଲୋକଙ୍କୁ ଶୋଷଣ କରୁଛି ।
ଉତ୍ତରାଖଣ୍ଡ ବିଜୁଳିମନ୍ତ୍ରୀଙ୍କ ଘୋଷଣାକୁ କେଜ୍ରିିୱାଲ ପ୍ରଧାନମନ୍ତ୍ରୀଙ୍କ ୧୫ ଲକ୍ଷ ଘୋଷଣା ସହ ତୁଳନା କରି କହିଛନ୍ତି କି ନିର୍ବାଚନ ଜିତିବା ପରେ ତାଙ୍କ ବଡନେତାଙ୍କ ଭଳି ଏହାକୁ ନିର୍ବାଚନୀ ପ୍ରତିଶ୍ରୁତି ବୋଲି କହି ପ୍ରତିଶ୍ରୁତିରୁ ଉହୁରିଯିବେ ।