ଛାତ୍ରଛାତ୍ରୀଙ୍କ ପାଣି ପିଇବା ପାଇଁ ଦିନକୁ ୩ ଥର ବାଜିବ ବେଲ୍ । ଆରମ୍ଭ ହେଲା ସରକାରଙ୍କ ‘ପାଣି ପିଅନ୍ତୁ ସୁସ୍ଥ ରୁହନ୍ତୁ’ କାର୍ଯ୍ୟକ୍ରମ ।
କନକ ବ୍ୟୁରୋ : ଏଣିକି ବିଦ୍ୟାଳୟରେ ତିନି ଥର ବାଜିବ ପାଣି ପିଇବା ଘଣ୍ଟି । ଗଂଜାମ ଜିଲ୍ଲାରେ ଆରମ୍ଭ ହୋଇଛି ସରକାରଙ୍କ ‘ପାଣି ପିଅନ୍ତୁ ସୁସ୍ଥ ରୁହନ୍ତୁ’ କାର୍ଯ୍ୟକ୍ରମ । ଆଜି ଜିଲ୍ଲାର ସବୁ ସ୍କୁଲରେ ପାଣି ପିଇବା ଘଂଟି ବାଜିଛି । ଦିନର ପ୍ରଥମ ପର୍ଯ୍ୟାୟରେ ୧୧ଟା ୪୦ରେ ପାଣି ପିଇବା ପାଇଁ ପ୍ରଥମ ବେଲ୍ ବାଜିଛି । ଏହିପରି ଦିନକୁ ୩ ଥର ପାଣି ପିଇବା ଘଂଟି ବାଜିବ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏପରି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ହେଉଛି, ଠିକ୍ ସମୟରେ ଛାତ୍ରଛାତ୍ରୀ ପାଣି ପିଇବେ ଏବଂ ସୁସ୍ଥ ରହିବେ । ସ୍କୁଲରେ ଅନେକ ସମୟରେ ଛାତ୍ରଛାତ୍ରୀ ସଠିକ୍ ପରିମାଣର ପାଣି ପିଇନଥାନ୍ତି । ତେଣୁ ଛାତ୍ରଛାତ୍ରୀ କିଭଳି ଠିକ୍ ସମୟରେ ପାଣି ପିଇବେ ସେଥିପାଇଁ ୱାଟର ବେଲର ବ୍ୟବସ୍ଥା କରିଛନ୍ତି ଗଂଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ । ତେବେ ଜିଲ୍ଲାପାଳଙ୍କ ଏଭଳି ପଦକ୍ଷେପକୁ ସମସ୍ତେ ପ୍ରଶଂସା କରୁଛନ୍ତି ।