ଜମ୍ମୁ-କାଶ୍ମୀରରେ ଚାଲିଛି ଅପରେସନ ଆତଙ୍କୀ କ୍ଲିନ୍: ଖୋଜି ଖୋଜି ଆତଙ୍କବାଦୀଙ୍କୁ ନିପାତ କରୁଛନ୍ତି ସୁରକ୍ଷାକର୍ମୀ । ଡିଏସପି ଦବିନ୍ଦରଙ୍କ ଆତଙ୍କୀ ଲିଙ୍କ ପର୍ଦ୍ଦାଫାସ ପରେ ଆକ୍ସନ ମୋଡରେ ପୋଲିସ, ଯବାନ
କନକ ବ୍ୟୁରୋ: ଜାମ୍ମୁ କାଶ୍ମୀରରେ ସୁରକ୍ଷାବଳକୁ ବଡ଼ ସଫଳତା । ଆତଙ୍କୀ ଏବଂ ସୁରକ୍ଷା କର୍ମୀଙ୍କ ମଧ୍ୟରେ ହୋଇଥିବା ଗୁଳି ବିନିମୟ ସମୟରେ ସୁରକ୍ଷାକର୍ମୀ ତିନି ଜଣ ଆତଙ୍କବାଦୀଙ୍କୁ ନିହତ କରିଛନ୍ତି । ଜାମ୍ମୁ ପୁଲୱାମା ଜିଲ୍ଲାରେ ଆତଙ୍କୀ ଏବଂ ସୁରକ୍ଷାକର୍ମୀଙ୍କ ମଧ୍ୟରେ ଗୁଳିବିନିମୟ ସହ ସର୍ଚ୍ଚ ଅପରେସନ୍ ଜାରି ରହିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଆଜି ସକାଳେ ୫୫ ରାଷ୍ଟ୍ରୀୟ ରାଇଫଲ ଏବଂ ଜାମ୍ମୁ କାଶ୍ମୀର ପୋଲିସର ସ୍ୱତନ୍ତ୍ର ଟିମଙ୍କୁ ଆତଙ୍କବାଦୀଙ୍କ ସୁଚନା ମିଳିଥିଲା । ଏହା ପରେ ସର୍ଚ୍ଚ ଅପରେସନ ଜାରି ରହିଥିଲା । ସୁରକ୍ଷାକର୍ମୀଙ୍କ ଏନକାଉଂଟରରେ ୩ ଆତଙ୍କବାଦୀଙ୍କ ମୃତ୍ୟୁ ହୋଇଛି । ଏମାନେ ସମସ୍ତେ ହିଜବୁଲ ମୁଜାଉଦ୍ଦିନର ବୋଲି ଜଣାପଡ଼ିଛି ।
ତେବେ ଗତ କିଛି ଦିନ ହେବ ଅପରେସନ ଅଲ ଆଉଟ କରୁଛି ଭାରତୀୟ ସେନା । ଜାମ୍ମୁ କାଶ୍ମୀରରେ ଲୁଚି ରହିଥିବା ଆତଙ୍କବାଦୀଙ୍କୁ ଗୋଡେଇ ଗୋଡେଇ ମାରୁଛନ୍ତି ପୋଲିସ ଓ ଯବାନ । କିଛି ଦିନ ତଳେ ଜମ୍ମୁରୁ ଆତଙ୍କବାଦୀଙ୍କୁ ଗିରଫ କରିବା ସହ ବିପୁଳ ବିସ୍ଫୋରକ ଓ ମାରଣାସ୍ତ୍ର ଜବତ କରାଯାଇଥିଲା । ଆତଙ୍କବାଦୀମାନେ ଜାନୁୟାରୀ ୨୬ରେ ବଡ ଦୁର୍ଘଟଣା ଘଟାଇବାକୁ ଯୋଜନା କରିଥିବା ବେଳେ ଏହାକୁ ପଣ୍ଡ କରିଥିଲା ଯବାନ ।
ସେପଟେ ଆତଙ୍କବାଦୀଙ୍କ ସହ ଡିଏସପି ଦବିନ୍ଦର ସିଂହ ଗିରଫ ହେବା ପରେ ଜମ୍ମୁରୁ ଆତଙ୍କୀ ସଫା କରିବାକୁ ଅଭିଯାନ ଆରମ୍ଭ କରିଛି ପୋଲିସ ।