୩ ବିଧାୟକଙ୍କର ଟିକେଟ କାଟିଲା ବିଜେଡି। ଜାଣନ୍ତୁ ୩ ଆସନରେ କାହାକୁ ଭରସିଲେ ନବୀନ?
କନକ ବ୍ୟୁରୋ : ବିଜେପି ୫ମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଛି । ୫ମ ପର୍ଯ୍ୟାୟରେ ୯ଟି ଆସନରେ ପ୍ରାର୍ଥୀ ଘୋଷଣା କରିଥିବା ବେଳେ ୨ଟି ଆସନରେ ପ୍ରାର୍ଥୀ ଅଦଳବଦଳ କରିଛନ୍ତି ବିଜେଡି ସୁପ୍ରିମୋ । ୫ମ ପର୍ଯ୍ୟାୟ ପ୍ରାର୍ଥୀ ଘୋଷଣାରେ ୩ ବିଧାୟକଙ୍କର ଟିକେଟ କାଟିଛି ଦଳ । ଅନୁଗୁଳ, ନିମାପଡା ଓ କୁଚିଣ୍ଡାରେ ଥିବା ବିଧାୟକଙ୍କର ଟିକେଟ ନୂଆ ମୁହଁକୁ ସୁଯୋଗ ଦେଇଛି ଦଳ ।
Kanak News is now on WhatsApp
Join and get latest news updates delivered to you via WhatsApp
ଅନୁଗୁଳର ବିଧାୟକ ରଜନୀକାନ୍ତ ସିଂଙ୍କର ଟିକେଟ କାଟିବା ସହ ଏହି ଆସନରେ ତାଙ୍କ ପତ୍ନୀ ସଂଯୁକ୍ତା ସିଂଙ୍କୁ ଦଳ ପ୍ରାର୍ଥୀ କରିଛି । ସେହିଭଳି କୁଚିଣ୍ଡା ବିଧାୟକ କିଶୋର ନାଏକଙ୍କ ବଦଳରେ ରାଜେନ୍ଦ୍ର କୁମାର ଛତ୍ରିଆଙ୍କୁ ଦଳ ମୈଦାନକୁ ଓହ୍ଲାଇଛି । ସବୁଠୁ ଗୁରୁତ୍ୱପୂର୍ଣ୍ଣ ନିମାପଡା ଆସନରେ ପ୍ରାର୍ଥୀ ବଦଳାଇଛି ଦଳ । ପୂର୍ବତନ ମନ୍ତ୍ରୀ ତଥା ବିଧାୟକ ସମୀର ଦାଶଙ୍କ ବଦଳରେ ଏଠାରେ ଦିଲ୍ଲୀପ କୁମାର ନାୟକଙ୍କୁ ପ୍ରାର୍ଥୀ କରିଛି ଦଳ । ବିଭିନ୍ନ ମାମଲାରେ ବିବାଦୀୟ ହୋଇଥିବା ସମୀର ଦାଶଙ୍କୁ ଦଳ ଭରସିନାହିଁ । ବରଂ ନୂଆ ଚେହେରା ଭାବେ ଦିଲ୍ଲୀପଙ୍କୁ ବିଜେଡି ସୁଯୋଗ ଦେଇଛି ।